أميرة السيد مكاوي تلقن الرخمين درساً لأجل إليسا

أميرة إبنة العملاق المصري السيد مكاوي كتبت تلقن الذين اعتدوا على النجمة اللبنانية إليسا درساً قاسياً بهذه العبارات المؤثرة.

أميرة السيد مكاوي تلقن الرخمين درساً لأجل إليسا

جاءت رسالة أميرة تحت عنوان (إليسا.. درس غريب),

وكتبت في رسالتها: (النهارده كشفت اليسا في الكليب الجديد عن إنها مريضة سرطان وتعافت!!! أنا مش من جمهورها، لكن مقدرش أنكر محبة ناس كتير ليها، بس مش دي الحكاية ولا الحدوتة، إليسا بقالها وقت تعبانة يمكن سنة، فكر كده وراجع نفسك كام مرة علقت عليها تعليق سخيف، كام مرة انتقدت تصرف ليها مش على مزاجك، كام مرة حتى حطيت صورة ليها وخليت ناس تعلق تعليقات هبلة ورخمه، حاسس بذنب؟ حاسس إنك علمت حاجة غلط في وقت هي فيه كانت بتتألم وبتعاني وخايفه وبتتعالج ويمكن كلمة طيبة تساعدها؟ فكر لحظة في إحساسها وهي بتقرا سخافة او شتيمة او تعليق بايخ مثلًا وهي مريضة ومش بتقول وانت بصحتك ونازل تقطيع في الخلق؟).

وتابعت وهي تؤكد أن القصة لا تقتصر على إليسا فقط، بل على كل شخص يدفع ثمناً قاسياً بسبب شهرته، فقالت: (الحكاية مش اليسا، الحكاية حكاية مشاهير كتير أو يمكن ناس معروفه، الناس استباحتهم للنهش بدعوى انهم شخصيات عامة، اقلب الوضع وشوف لو انت في نفس الظرف هتكون مبسوط ولا حزين ولا فاقد أمل ولا إيه؟ ورا كل ضحكة بتشوفها حكايات تخلي القلوب تتعصر، بس للأسف إحنا بنشوف إللي على الوش بس، اتمنى ان الكليب ده يكون حاجة تفوّق الناس من الشر المجاني إللي بيقدموه لناس تانية بتعمل حاجات تسعدهم، ويا رب فكرة ان الشخصية العامة ملك الناس تموت، ويارب يتم شفاها وشفا كل إللي زيها على خير، ويا رب الناس عقولها واخلاقها تنضف. الدنيا دوارة أوعا تنسى).

كانت النجمة اللبنانية إليسا قد صدمت العالم العربي بعد أن أعلنت من خلال كليبها (الى كل اللي بيحبوني) بأنها أصيبت بمرض سرطان الثدي منذ يوم 26 ديسمبر/كانون الأول وكانت تتعالج منه طوال الفترة الماضية، دون أن تخبر أحداً.

كريم عصام – القاهرة