التعليق الأول لإيناس عز الدين بعد خروجها من أراب أيدل

في أول تعليق لها بعد مغادرتها برنامج (Arab Idol)، أكدت المصرية إيناس عز الدين، أنها تؤمن بأن هذه بداية مشوارها الفني وليس نهايته.

كتبت إيناس عبر صفحتها: “الحمد والفضل والشكر لله سبحانه وتعالى ثم ليكم جميعا بفضلكم وصلت لمرحلة مهمة في البرنامج ودي مش نهاية المشوار دي يدوب البداية”.

إيناس عز الدين

تابعت عز الدين فقالت: “رغم مرضي الشديد وتحذير الدكتور ليا من خطورة الغناء او حتى الكلام او الهمس، اتحديت الدنيا كلها وطلبت سماعة ومايك وقررت على الهواء اني اغنيلكم و وقفت وغنيت للمرة الاخيرة على مسرح اراب ايدول، لان ده اقل شيء اقدمه للناس اللي بفضلهم بعد ربنا طبعا وصلت للمرحلة المشرفة دي، وبطمنكم ان ده مش نهاية مشواري .. انا دلوقتي يدوب لسه حبتدي، بحبكم من كل قلبي”.

إيناس

حرصت إيناس أيضاً على أن تقدم الشكر لأحلام التي ساندتها خلال فترة وجودها في البرنامج وبكت فور مغادرتها منه، وكتبت قائلة: “الملكة أحلام .. أمي التانية .. دموعك غالية عليا صدقيني نزلت من عيونك حرقت قلبي، والنهاردة إنسانيتك وحنية قلبك اللي الناس علشان ما يعرفوكيش عن قرب مش قادرين يشوفوهم .. ظهروا للناس النهاردة”.

كانت إيناس عز الدين قد وصلت أمس مطار القاهرة، وكان في استقبالها عدد كبير من محبيها، الذين التقطوا إلى جانبها الصور الفوتوغرافية.

دينا حسين – القاهرة