اشادت الفنانة المصرية حلا_شيحة، بالمذيع المصري الكبير محمود سعد، بعدما دافع عنها ، ونفى أن تكون متناقضة، معتبراً إنها فقط تشعر بالتشتت.

قال سعد: (أعرف حلا شيحة من 20 سنة، وهي جت زارتني لما رجعت من كندا وكنا بنتكلم لحد ما ارتبطت بمعز مسعود، وأنا معرفوش شخصيًا، والدخول في الحياة الشخصية بينهم لا تعنيني).

تابع: (حلا متلخبطة مش متناقضة، ومين فينا مش متلخبط ومتناقض. أنا سكت خالص طول ما هي تريند، والله حلا دي كويسة أنا أعرفها، لكن كونها متلخبطة ومتناقضة عشان هي على المكشوف”.

اضاف: (أخلاقها كويسة جدا، وأحلامها محدودة جدا، عمرى ماشوفتها بتذم في حد، هي دايما شايفة كل الناس طيبة وبريئة، ما تتجوز حلا شيخة وتتبسط إيه المشكلة، والله الست دي كويسة وعلى المكشوف).

حلا ردت بعد إشادة سعد بها، وقالت: (محمود سعد من أجمل الناس اللى تقابلوهم في الحياة).

وكانت حلا شيحة، هاجمت مؤخرا الفنان تامر_حسني بعد طرحه كليب “بحبك” من فيلمه الجديد “مش أنا” المعروض حاليًا بدور العرض، وذلك عبر قناته على يوتيوب.

اقرأ: حلا شيحة تحذف تامر حسني وما دخل أزواجها؟ – صور

كتبت في هجومها على تامر: (أنا اتفاجأت جدا بنزول كليب يجمع فيه مشاهد متفرقة من الفيلم و خصوصًا بعد آخر بوست نزلته ووضحت فيه أنا ايه.. واتفاجئت اكتر خصوصا بعد وعد تامر حسني ليا وتأكيده انه حیحترم رغبتي وبعض الطلبات اللي طلبتها منه بكل احترام وود الصيف اللي فات، وأکدلي إنه حيحترم رغبتي.. إحنا يمكن نجحنا بمقايس الدنيا بس صدقوني بمقایس ربنا احنا لم ولن ننجح أنا عارفة ومتاكدة ان زملائي جواهم خير بس للاسف فتنة الشهرة والنجاح مش بتخلينا نشوف ونقيس الامور صح بتكلم من قلبي الكليب ده ميرضيش ربنا وأنا عيطت لاني شفت نفسي في المشاهد دي.. دي كانت زلة نتيجة ظروف مريت بيها وكلنا بنغلط ولازم نغلط علشان احنا بشر بس المصيبة اننا بنغفل وبننسی”.

اقرأ: حلا شيحة تقاطع محمد رمضان وتامر حسني!

وتابعت حلا شيحة: “انا مش حتكسف من حد انا تبت من المشاهد دي وهي لا تصح وانا غلطت وبصلح وأهم حاجة ان ربنا يرضى عني لان في الاخر ده اللي حينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا الفن لو بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن”.

اقرأ: حلا شيحة الأقرب إلى الإسلام الحقيقيّ اعتزلت أم لا

تامر لم يصمت أمام تخاريف حلا وإهاناتها، وفهمها الخاطئ للتدين، فرد عليها وأحرجها قائلاً:

(نهاركم جميل يا أغلى الناس الحقيقه عمري ما بتخيل إني أدخل في نقاش بالشكل دا مع زميل بحترمه و كان في بينا كل خير، للتوضيح بما إنك يا حلا كتبتي بوست و أشركتي الجمهور الكريم معانا بدال ما كنتي تكلميني شخصياً و نتناقش بيني و بينك ، فا أنا مضطر أرد هنا برضو).

تابع: (أولاً أنا عمري ما وعدتك إن الكليب مش هينزل دا محصلش اصلاً يا حلا مش أنا خالص اللي أوعد وأخلف.. الحقيقه اني إحترمت كلامي معاكي ووعدتك أشيل مشاهد تانيه طلبتيها و شيلتها بالفعل وشكرتيني عليها و لو حابه تفتكري المشاهد اللي اتشالت بعد اذنك روحي شوفيها في المونتاچ عند الأستاذ عمرو عاكف او كلميه يبعتهالك كلها موجوده، وبعدين الفيلم بقاله ٣ اسابيع في السينمات و الكليب موجود جوه الفيلم هو بالنسبالك الحرام إننا ننزل الكليب على اليوتيوب بس! إنما الكليب يتشاف جوه السينمات عادي؟ منطق غريب فعلاً يا حلا).

اضاف: (و بعدين هو مش أنتي اللي مضيتي عقد و تقاضيتي عليه مبلغ كبير عشان الدور دا بعينه !!!!! هو مش إنتي اللي صورتيه و مثلتيه بنفسك و بمنتهى الرضا ولاّ حد أجبرك ؟!!!!!! و للتوضيح للجمهور الكريم أنا و المخرجه الأستاذه ساره وفيق بعتنالك و كنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظه تقوليها ، ماكنتيش بتردي علينا و تليفوناتك كلها كانت بتقفل في وشنا ،، إنتي للأسف يا حلا متعاملتيش صح مع الموقف كان لازم تهتمي بأمرك أكتر من كدا و لو كان ليكي أي طلب تاني كنت هعمله بكل حب إنما إنتي فجأه أختفيتي و مكملتيش تركيب صوتك في الفيلم ولا جيتي تتصوري عشان آفيش الفيلم أصلًا و مخليتيناش نعرف نعمل آفيش مجمع !!! و بقيتي تقفلي تليفوناتك و تكنسلي علينا كلنا و بعدين أي فيلم بيبقى ليه خطه مسبقه في الدعايه و انتي عارفاها كويس و وافقتي عليها و دا كليب رومانسي يعني معقول كنتي عايزه المنتج يشيل كل مشاهدك اللي صورتيها من الكليب و يطلعني بغني و بقول الكلام الرومانسي دا للأستاذ ماجد الكدواني مثلاً هو دا يُعقل؟).

Copy URL to clipboard
20 مايو 2022
11:00
آخر إحصاءات حالات كورونا في الوطن العربي
  إقرأ المزيد


























شارك الموضوع

Copy URL to clipboard

ابلغ عن خطأ

لقد تم إرسال رسالتك بنجاح

نسخ إلى الحافظة

أدخل رقم الهاتف أو بريدك الإلكتروني للإطلاع على آخر الأخبار