مي كساب توجه رسالة لجمهورها في عيد الحب

يصادف اليوم الأربعاء الموافق 14 فبراير/شباط عيد الحب، وبهذه المناسبة حرصت الفنانة المصرية مي كساب الاحتفال بعيد الحب بطريقة مختلفة مع جمهورها، من خلال توجيه رسالة لمتابعيها عبر حسابها على موقع الـ Instagram.

النجمة المصرية مي كساب وزوجها المطرب الشعبي أوكا
النجمة المصرية مي كساب وزوجها المطرب الشعبي أوكا

كتبت مي كساب التي تنتظر مولودها الثاني من زوجها المطرب المصري أوكا: “انا وفالانتين .. حالة منتهي السخرية !!بجد هنتكلم بجد ؛
علي فكره الحب عمره ما كان دبدوب ، ولا حتة شيكولاتة ، ولا قلب أحمر قطيفة ، أو بالونة علي شكل قلب منفوخ بغاز يخليها لو سبتها من إيدك تطير لفوق ولا عمرك تاني تلاقيها. ده كلام عبيط يا ابني بتاع واحد بيقولوا عليه قديس ، وهو محصلش ابسط قسيس .. ومش هعيد واكرر كل مره كان بيعمل إيه وإزاي وليه .. الحب اللي انا اعرفه يا ابني مش بس موقف .. ده مواقف .. ده حياة”.

تابعت: “كلمة حق تتقال في وقت الشده من غير ما نخاف..راجل في ضهر ست محتاجه له -.او حتي لو مش محتاجه له -يحميها وعمره ما يجور عليها .. وعمرها في ضله ما تخاف.ابن جدع يشيل أمه ويمد ايده ليها ..بنت حنينه تحن علي ابوها وتضلل بضفايرها عليه .. ست بمليون راجل تقف وراك لما الزمن يجور عليك .. حتي لو بس هتطبطب عليك .. أم سهرانه علي عيالها .. وأب راجع آخر اليوم مطحون بس راضي .. صاحب جدع يقف معاك وميديكش ضهره .. وصديقه من مواقفها تحتار ان كانت راجل ولا ست ..أهل واخوات وصحبه ولمه و ناس تتلم في وسطها تدفأ .. ولو بعدوا ييجي الشتا والدنيا تبقي سقيع”.

انا وفالانتين .. حالة منتهي السخرية !! بجد هنتكلم بجد ؛ علي فكره الحب عمره ما كان دبدوب ، ولا حتة شيكولاتة ، ولا قلب أحمر قطيفة ، أو بالونة علي شكل قلب منفوخ بغاز يخليها لو سبتها من إيدك تطير لفوق ولا عمرك تاني تلاقيها. ده كلام عبيط يا ابني بتاع واحد بيقولوا عليه قديس ، وهو محصلش ابسط قسيس .. ومش هعيد واكرر كل مره كان بيعمل إيه وإزاي وليه .. الحب اللي انا اعرفه يا ابني مش بس موقف .. ده مواقف .. ده حياة .. كلمة حق تتقال في وقت الشده من غير ما نخاف.. راجل في ضهر ست محتاجه له -.او حتي لو مش محتاجه له -يحميها وعمره ما يجور عليها .. وعمرها في ضله ما تخاف. ابن جدع يشيل أمه ويمد ايده ليها .. بنت حنينه تحن علي ابوها وتضلل بضفايرها عليه .. ست بمليون راجل تقف وراك لما الزمن يجور عليك .. حتي لو بس هتطبطب عليك .. أم سهرانه علي عيالها .. وأب راجع آخر اليوم مطحون بس راضي .. صاحب جدع يقف معاك وميديكش ضهره .. وصديقه من مواقفها تحتار ان كانت راجل ولا ست .. أهل واخوات وصحبه ولمه و ناس تتلم في وسطها تدفأ .. ولو بعدوا ييجي الشتا والدنيا تبقي سقيع.. كلام بجد .. يتقال .. واتقال في كل الأمثال .. عن حفظ العهد ،، والوفاء بالوعد ،، وده سلو بلدنا يا صاحبي .. وده الحب في عرف الرجال.. أما صاحبك فالانتينو ده فكان آخره بيجيب البنات للعيال .. وعملوا له عيد حب .. يا أخي ……….. كل عيد حب ، وكل اللي بيعرفوا يحبوا بحد طيبين 💚 #منقول#ملحوظه: كل الكلام ده ما يمنعش برضه انك تجيب هديه حلوه لمراتك 😜😜😜😜😜

A post shared by Maiikassabofficial (om Farida) (@maiikassabofficial) on

ختمت مي كساب رسالتها قائلة: “كلام بجد .. يتقال .. واتقال في كل الأمثال .. عن حفظ العهد ،، والوفاء بالوعد ،، وده سلو بلدنا يا صاحبي .. وده الحب في عرف الرجال.. أما صاحبك فالانتينو ده فكان آخره بيجيب البنات للعيال .. وعملوا له عيد حب .. يا أخي ……….. كل عيد حب ، وكل اللي بيعرفوا يحبوا بحد طيبين منقول ملحوظه: كل الكلام ده ما يمنعش برضه انك تجيب هديه حلوه لمراتك”.

مروة محمود – القاهرة