أثار الممثل المصري أحمد فلوكس جدلًا كبيرًا أمس بعدما روى إنه تقدّم لطلب الزواج من فتاة، ووصفها بأبشع الأوصاف وقال إنها ظننت نفسها هيفاء وهبي.

كان رد منذ يوميْن أيضًا على الأحاديث التي تداولها البعض وتروي نيته مقاضاته لشقيقته.

إقرأ: أحمد فلوكس يفضح فتاة أحبها: (واطية وقذرة وفاكرة نفسها هيفاء وهبي)!

أحمد روى إن حسابه اختُرق منذ ١٠ أيام ولم يتمكن من استعادته، ونفى كلّ المعلومات التي نُشرت عبره.

كتب: (بسم الله الرحمن الرحيم. (يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ) .. صدق الله العظيم.. اولًا بشكر كل من بعتلي وقالي علي موضوع الاكونت بتاعي انو اتهاك.. والحقيقه هو بقالوا اكتر من ١٠ ايام كل شويه بيتهاك وبرجعه ويتهاك وينزل صور ليا وحاجات شخصيه وكلام ليس لي اي علاقه بيه وكان فيه مشكلة وعلشان كده غيرنا الصورة من كام يوم وطلعت لايف كتير وعملت اكونت تاني تحسبا لو حصل حاجة.

ثانيًا.. احب اوضح بعض النقاط المهمة بالنسبة لموضوع حبس شقيقتي.

١. انا لم اقاضي اختي ولكن عند سرقة صفحتي من اكثر من ١٠ شهور تم عمل محضر بذلك لان الصفحه موثقة فكان لابد عمل المحضر لإخلاء مسئوليتي عن اي موضوع يتم نشره عليها ولم يكن ضد اختي.. ثانيا لم يتم تبليغي بمجريات التحريات.. و عرفت زيي زيكم من الصحافة.

٢. اختي لم تقم اكيد بهذا الفعل كما كتبت الصحافة ولكن احد العاملين بشركتها هو من فعل و كنت اتمني من الصحافة ان تبرز هذا عن اني حبست اختي لكن كالعاده المانشيت والترافك والعبث الفكري واللا اخلاقي واللا مهني هو من يرسم طريق شكل الاخبار الاعلامية كالعاده دون مراعاة لحرم البيوت والاهل والسمعة والاولاد وووووووو كتير بقي.. يعني اصلا بقي عكس دين وعادتنا وتقاليدنا اللي مش فاهم هنفضل كده لغاية امتي في العبث ده.

٣. اللي في الصورة مش اختي المعنية بالموضوع دي اختي التانية الصغيرة يعني بالبلدي فششششششششششختووووووا اسمممم العيله كلها بكتبتكم القذرة وعدم مهنيتكم حتي في انكم تبحثوا عن صورة تنزلوها صحيحة يا فشششلة.

4. حسبي الله ونعم الوكيل فيكم.. ده بالنسبه لموضوع حبس شقيقتي).

تابع: (موضوع بوستات امبارح.. ليس لي اي علاقه بيه وجاري البحث عن فاعل هذا واللي هاك الاكونت بتاعي اكثر من مرة وهيتم التوصل ليه ومحاسبته ان شاء الله وطبعا ولا دي اخلاقي ولا دي تصرفاتي ولا كلامي واعتقد ان اغلب من يعرفني عارف كويس انا ايه وفي مثال حي لذلك سواء بعلاقتي بام ابني وزوجتي الاولي او علاقتي بزوجتي السابقة.. والاهم ان الحقيقة ولا روحت اخطب لسه ولا عملت حاجة وادعولي بقي علشان الوحده وحشة).

أضاف: (طبعا الكلام مس ناس اعرفهم لا يستحقون هذا ابدا ومس عائلتهم وده شي لا يرضيني حتي ولو ده مش كلامي ولا انا اللي نزلتوا ولكن اعتذار واجب مني ليهم و لعائلتهم.. لا اعلم هل أنا مستهدف دايما بتشويه سمعتي في شكل وتناول الاخبار عني والكلام عني من ساعة ما ابتديت امثل حتي وقتنا هذا ام ان هذا هو ضريبة مهنتي وحياتي اللي اخترتها ولا ده ايه ولكن ربنا كبير.. اتمني تكون رسالتي وصلت وبشكر تاني كل اللي حظرني ان الاكونتات بتاعتي اتهاكت سواء الفيس بوك او الانستجرام لانه فعلا انقذني وبشكر اللي ساعدني اني اقفله امبارح وبشكر اللي رجعلي كل الاكونت وامنهولي.. شكرا ليكم واسف للاطالة ويومكم كله خير ان شاء الله ..صباحكم فل.. اه حاجة اخيرة مهمة.. تحياتي وحبي لهيفاء وهبي).

Copy URL to clipboard


























شارك الموضوع

Copy URL to clipboard

ابلغ عن خطأ

لقد تم إرسال رسالتك بنجاح

نسخ إلى الحافظة

أدخل رقم الهاتف أو بريدك الإلكتروني للإطلاع على آخر الأخبار