تعرض الفنان المصري محمد أسامة الشهير بأوس أوس، لهجوم عنيف، بعدما حضر وزوجته حفل زفاف شقيقة الممثل مصطفى خاطر، بسبب وفاة طفلهما منذ شهرين، واعتبر البعض حضورهما تلك المناسبة بعد فترة قصيرة من رحيل ابنهما أمراً غير لائق.

أوس أوس لم يصمت أمام تلك الاهانات، وعلق مدافعاً عن زوجته قائلاً:

(أنا مش محتاج أبرر وأحكى أي حاجة عن حياتى والست اللى قلبى اخترها كنت ساعتها في أول موسم لتياترو مصر كنا نتقاضى مرتبات مش ممكن تفتح بيت وأول ما اتجوزت كنت قاعد في بيت إيجار كمان أنا بس هكتفى بالنقطتين دول علشان أصحاب العقول والنفوس المريضة يعرفوا ويبطلوا نغمة (الفلوس بتعمل اكتر من كده)، الفلوس ممكن تشترى سرير بس ماتشتريش النوم! ومش أنا بس دا أغلب المشاهير اللى بتحسدوهم على حياتهم دلوقتى ماتعرفش بدأ من امتى واتبهدل إزاى ولولا وجود حد جنبه بيسنده ويدعمه ماكانش هيعرف يعدى من أي مشكله نفسية أو مادية في حياته).

تابع: (مش معنى إنى بنزل أشتغل أو بتصور وأنا مبسوط ده معناه إنى هموت من الفرحة بس دى مهنتى واجبى ناحية جمهورى إنى أخرجه من أي حزن هو فيه كل ده بعمله على حساب حزنى وجرحى ووجعى أنا.. وفى الآخر بتشتم برضه).

اضاف: (أنا بقول الكلام ده ولن أسمح باى تدخل في حياتى الشخصية مرة أخرى سواء بالخير أو بالشر أو دخول اسم مراتى في أي كلمة من كلام المرضى النفسيين. مراتى اللى أخوها متوفى وابنها متوفى وما صدقت أول مرة أخرجها نروح مناسبة ودمرتوها نفسيا تانى بكلامكم المريض.. حسبى الله ونعم الوكيل فيكم.. حقك عليا ياست الكل، سكت كتير وكنت بعدى لكن مفيش فايدة.. كل واحد يركز في حياته.. الطموح حلم مشروع عند كل الناس اسعى واتعب وكافح وربنا اللى بيكافئ مش البشر بدل ما تفضل تبُص في حياة الناس).

اقرأ: وفاة ابن أوس أوس الرضيع!

الفنان المصري أوس أوس، فجع بوفاة طفله الذي لا يتجاوز ال ٣ أشهر، وقال البعض إنه مات نتيجة سقوطه على الأرض وجسده لم يتحمل وتوفي، لكنه نفى هذا وأكد أن الوفاة كانت طبيعية تماماً.

أوس أوس شارك فى الموسم الرمضانى الماضي بمسلسل (اتنين في الصندوق) بمشاركة زميله حمدي الميرغني، وشاركه البطوله كل من بيومي فؤاد، وحجاج عبد العظيم، انتصار، وعدد كبير من الفنانين، المسلسل من تأليف لؤي السيد وإخراج محمد مصطفى.

Copy URL to clipboard


























شارك الموضوع

Copy URL to clipboard

ابلغ عن خطأ

لقد تم إرسال رسالتك بنجاح

نسخ إلى الحافظة

أدخل رقم الهاتف أو بريدك الإلكتروني للإطلاع على آخر الأخبار