منذ 6 سنوات قرّرت نيابة حوادث شرق القاهرة سجن الإعلامية المصرية ريهام سعيد، مع رئيس تحرير برنامج (صبايا الخير) أكرم النحاس، ومصوّر آخر لمدة 4 أيام على ذمة التحقيقات التي تجريها النيابة معهم بتهمة التحريض على خطف الأطفال، وذلك بعد التحقيقات مع المتهمين تبيّن أن معدّة البرنامج هي من حرضتهم على خطف الأطفال حسب الإدعاء.
تداول النشطاء عبر مواقع التواصل الاجتماعي المختلفة فيديو لريهام سعيد من داخل منزلها في محافظة الجيزة، صوّرته قبل توجهها مباشرة إلى النيابة.
شاهدوا الفيديو:
قالت ريهام سعيد: “مساء الخير النهاردة 18 فبراير سنة 2018 أنا متوجهة لنيابة شرق أنا مهربتش ولا الكلام دة كله انا كنت مجتمعة مع الكرو بتاعي واجتمعنا مع المحاميين وقررنا أننا مش هنروح وقت واحد عشان منخدش وقت في التحقيق لأن أحنا متخيلناش أن حد فينا هيتحبس أبداً وكان الإختيار الأولاني لأكتر حد ليه علاقة بالموضوع وحد ملوش دعوة خالص أن هو هيقول كلمتين وهيمشي اللي هو المصور”.
تابعت: “فوجئت أن هما اتحبسوا هما الإتنين وبزعل أوي لما بسمع أن هما اتخدوا كبش فدا لأن الكرو بتاعي عارف أن أنا راجل جداً معاهم ولما أحب أخد حد كبش فدا مش هبعت محمد راضي اللي هو صديقي ورفيقي ومصور بتاعي لأكتر من 10 سنين. كل الحكاية أن لما هما اتحبسوا أنا كنت في مأزق شديد لأن لو انا اتحبست أنا هسيب ابني رضيع عنده 3 شهور ومعنديش حد يقيم معاه كان لازم استنى لحد ما ألاقي حل”.
ختمت ريهام سعيد قائلة: “الوقت دة جه وصحيح أنا محلتش مووع البيبي ولكن قدرت ألاقي حد يقعد معاه فترة. والناس اللي قالت هربت أنا موجودة في بيتي في الجيزة ومحدش عملي ضبط واحضار وعايزة اقول للكل بلاش تظلم لإن برنامجنا برنامج عظيم احنا عملنا مستشفيات كتير اوي للأطفال في مصر أحنا أول ناس نفتح مدرسة لذوي الإحتياجات الخاصة لفيت العالم كله عشان ألاقي علاجات لأطفال مصر في كل مكان في العالم. أقسم بالله أحنا عمرنا ما فبركنا ولا دقيقة ولا كذبنا في ولا كلمة”.
ياسمين أحمد – القاهرة
)
