منذ 5 سنوات منذ الخميس الماضي17 أكتوبر/تشرين الأول، يشهد لبنان اعتصامات، مظاهرات واحتجاجات كثيرة ضد الدولة اللبنانية، ويرفع الشعب اللبناني صوتًا واحدًا “نعم لإسقاط النظام الطائفي”، ويحملون علمًا واحدًا ويتوحدون تحت راية الأرزة لا الأحزاب السياسية.
اللبنانيون أعلنوا ثورتهم ضد النظام الطائفي، ونزلوا إلى الشوارع والميادين في مشهد مهيب يتابعه الجميع من مختلف الدول العربية، إلا أن بعض السخفاء استهانوا من الثورة اللبنانية وسخروا من الشعب اللبناني وأطلقوا النكات ضد انتفاضته.
المذيع المصري الساخر باسم يوسف، وجه صفعة قوية لكل من يسخر من الثورة اللبنانية في مصر وبقية الدول، وأعرب عن كامل تأييده لانتفاضة اللبنانين ضد النظام الطائفي.
(فيه مشكلة كبيرة في السوشيال ميديا و خصوصًا التعليقات لما بتبقى عن بلد عربي اخر . مثلا البوست الأخير عن لبنان فيه تعليقات سخيفة عن المتظاهرين و المتظاهرات كلنا عارفينها و مافيش داعي نكررها . و تعليقات أخرى عن سوء معاملة اللاجئين السوريين و الفلسطينين في لبنان . المشكلة ان تعليق صغير من حد غير مسؤول و ممكن يكون عيل صغير معندوش لسه دراية بالعالم او حتى حد كبير ماعندوش تمييز بتتسبب في ردود فعل سيئة من عينة “طب بتقول كده على بلدي طب امك على ام بلدك ” . و ده بيولد شعور كراهية فظيع و لنا في الأحداث المؤسفة بين مصر و الجزائر في الماضي بسبب ماتش كورة عبرة . الحقيقة ان اللي بيعلقوا دول لو عرفوا يعني ايه بلد تخش حرب أهلية ١٥ سنة . يعني جيرانك وولاد حتتك فجاة بقيتوا ترفعوا سلاح على بعض ١٥ سنة. لو يعرفوا ان لبنان بتعدادها الأربعة مليون فيهم تلت العدد ده لاجئين (اكبر بلد مستقبل للاجئين في العالم نسبة للسكان ) و لو فيه عنصرية من بعض الناس و قمع من قوات حكومية فده شئ سئ لكن مش المفروض نعمم على الشعب كله . لما تعرف ان بلد كان فترة كل شوية اسرائيل تدكه بالطائرات . لما بلد فترة كبيرة من حياته كان موضوع السيارات المفخخة جزء كبير من حياته . لما تعرف ان بلد الطائفية فيها مش مجرد انتماء لا دي ممكن وسيلتك الوحيدة عشان يبقى ليك فرصة في تعليم او علاج او شغل . لما تعرف كل ده و تلاقي اللبنانيين بينضرب بيهم المثل في الجمال و الشياكة و حب الحياة فده شئ يدعو للاحترام و الفخر مش تعليقات سخيفة بتعكس قد ايه انت بائس و جاهل و ما عندكش بتلاتة تعريفة احساس).
تابع يوسف: (نا رحت لبنان مرات قليلة لكن مافيش و لا مرة رحت حسيت اني في بلد غريبة . انا كان ليا الشرف اني أتعرف على ناس من اجدع البشر اللي قابلتهم . الحقيقة ان جدعنة و كرم اللبنانيين بتمد برة حدودهم . في امريكا في أوروبا و استراليا و حتت ما رحتهاش في أفريقيا و امريكا اللاتينية . انتم شعب موهوب عظيم و حر و يشهد على كده أفراد شعبكم في القارات الستة و في بعض البلاد قوموا اقتصاد كامل ووصلوا للرئاسة . الشعب اللبناني اكتر شعب موهوب و اكتر شعب ملعون بلعنة الطائفية و اكتر شعب منهوب من ناس بتستخدم الطائفية كغطاء . انتفاض الشعب ضد ده ؛ ضد الطائفية و ضد الخدمات اللي بياخدها الناس من خلالها في بلد الخدمات فيها منهارة عشان سنين من النهب ، ده شئ ملهم و عظيم . الموضوع مش ضريبة على واتساب . دي مجرد القشة . كل الحب و الاحترام لكل لبناني و لبنانية جوه لبنان و براها).
)
