منذ سنة زلزال ضرب تركيا وسوريا في السادس من شباط – فبراير وخلّف الكثير من الدمار والضحايا، الناشط اللبناني عماد بزّي كان من بين المتضررين حيث عانى من تعب جسدي ونفسي كبير.
ومع كثرة الزلازل والتوقعات المخيفة، كتب عماد من وحي تجربته الأليمة مع الزلزال، وقال إن على كل شخص أن يهيء شنطة طواريء مخصصة للهروب في حال حصول أي زلزال.
وكتب:
من وحي تجربة الـ 17 يوم يلي مرقوا، في دروس تعلمناها واشياء شفناها وتعليمات خبرونا اياها بتخليك تشوف قديش في فرق بالوعي والتحضيرات، بتركيا خلال الزلزال يلي عرف يتصرف صح هني الأطفال مش الأهل!! لأنو الأطفال حاضرين التعليمات بصفوف المدرسة. وهالتعليمات مش للهلع بل إحتياطات ذكرنا فيها الزلزال، اغلب الظن ما تستعملوا الشنطة هيدي بحياتكن، بس يمكن بمرة يصير موقف يخليكن تقولوا يا ريت كنا مستعدين.
انا شخصياً ما بقى شيل الشنطة من الخزانة حد الباب من هون ورايح، علماً إنو مستوى الخطر تقريباً انخفض كثير وزال بشكل كبير بس من بعد هالتجربة، الشنطة رح تكون كثير نافعة.
بهيدي اللائحة في المتطلبات الـ minimum لكل شنطة:
شنطة الطوارئ: شغلتها تأمنك للمدى القصير من يوم الى يومين، وبيكون فيها بعض الأشياء يلي بتعطيك حلول فورية (مثلاً قناني المي الجاهزة)
• مي (مقدار 800 ملل لكل شخص)
• تلزيق جروح وعدة إسعافات أولية بسيطة
• مكسرات وفواكه مجففة
• ضو على البطارية
• معلبات طويلة الأمد عدد 2
• Power bars
• الأوراق الثبوتية
• عدة اسعافات أولية
• صفيرة
• بطاريات
• Power bank مشرج + كابل
• ظرف من كل دوا
• قطع ثياب اضافية
• قداحة
شنطة الكوارث والنجاة disaster and survival kit: شغلتها تأمنك عالمدى المتوسط والطويل من يومين الى اسبوع، ولأنو فيها كثير اغراض بيصير في اختصار لبعض الأمور يلي ممكن تخلص مدتها او تفسد أو يلي تعتبر حمل ثقيل (كمان لأنها نادرة الإستعمال كشنطة عالأغلب تنسى تبدل الاشياء بس تخلص مدتها) كمان فيها حلول شبه طويلة (مثلاً بدل المي يلي رح تكون ثقيلة في life straw للشرب وبدل الثياب في space blanket)
• ضو على البطارية
• ضد بيشحن بالإيد بلا بطارية
• 4 بطاريات
• راديو
• فأس صغير
• رنش صغير
• سكين متعدد الإستعمالات Swiss army knife
• Life straw
• صفيرة عدد 2
• شقفة قماش
• تلزيق عريض
• حبل رفيع مترين
• شمع
• Wet wipes
• Space blanket
• مفتاح معلبات
• Oximeter
• مكسرات
• خوخ او تين مجفف
• كفوف Latex
• كفوف ثلج
• تلزيق جروح
• لفة bondage
• Alcohol swabs
• مشغل النار الفوري بلا قداحة
• انبوب نيون بيشتغل بالكسر عدد 4
• ماسكات
• بودرة طعام طواىء
• Power bars
• بوصلة
• قلم عدد 2 ودفتر صغير
• صورعن الأوراق الثبوتية
• صور عن وصفة الأدوية
• Vest فوسفوري
• Power bank مشرج
للموجودين بلبنان، فيكن تجهزوا الشنطة تقريباً بزيارة على قاروط والصيدلية، بتركيا كل الأغراض موجودين ديليفري على ترنديول وبمحلات ديكاتلون.
)
