منذ 3 سنوات اعلنت المذيعة المصرية ريهام_سعيد، اعتزالها مجال الإعلام نهائياً، بعد ايقاف برنامجها الأخير (صبايا الخير)، واكدت إنها ستتجه إلى مجال التمثيل وتركز به.
كتبت ريهام عبر صفحتها:
(فكرت كتير قبل ما اكتب البوست ده . انا اعتزلت التمثيل سنه ٢٠١٥ لاني حسيت ان صاحب بالين كداب و ان التمثيل ماثر علي مسيره الخير الي ابتديتها من سنين طويله عشان الوقت و المجهود الي بعمله . لكن عشقي للتمثيل الي هو دراستي ومهنتي الاولي قبل الاعلام رجعت امثل تاني و انا لسه في نظر المخرجين و المنتجين مذيعه عايزه تمثل. كنت عارفه ان عشان اخد مكان كممثله لازم اسيب الاعلام زي مع حفظ الالقاب داليا البحيري و بسمه و دينًا فواد و دينا الشربيني و غيرهم بس مكنتش قادره اسيب رسالتي الي كانت مهمه اوي وقتها . انا حصل لي مشاكل كتير من المهنه دي بتاثير باطل من السوشال ميديا من منافسين و اعداء بسبب المشاهده العاليه جدا و النجاح انا تعبت و حسه اني قدمت كل الي ممكن يتقدم و الدوله عامله الي عليها و مش محتاجين دور المجتمع المدني في مساعده الناس و لكن انا ليه الشرف اني اشتغلت في المهنه العظيمه دي الي ليها رساله ساميه و عظيمه و ليه الشرف اني كنت اعلاميه في اصعب وقت مر علي الاعلاميين ايام حكم الاخوان و الحمد لله كان لينا موقف واضح و ماتغيرش و لا دقيقه).
تابعت: (انا الحمد لله حققت في التمثيل و كل الي اشتغلته علم مع الناس و اشتغلت اعمال كلها قيمه بس بعد ما جالي السكر و شويه مشاكل تانيه قررت اعمل الي بحبه انا بكل اسف بعلن اعتزالي الاعلام تماما و هاركز كممثله و هاطلب من الدكتور أشرف زكي انه يساعدني اني اغير الفكره الموجوده في اذهان المخرجين و المنتجين اني مذيعه).
اضافت: (ورساله للاستاذه كامله ابو ذكري و مش مكسوفه نفسي اوي امثل معاكي حتي لو مشهد ده من احلامي . خطوه صعبه و فيها ريسك كبير بس علئ الاقل احري ورا حلمي حتي و انا في السن ده . جه الوقت اني استمتع بالي بعمله و بحبه خصوصا لما يكون في عصر و لا في و سطه و لا محسوبيه الي هايجنهد هايوصل . ماتسيبوش حلمكم مهما فات الوقت. بشكر جمهوري من الامهات و الشباب و الاطفال الي دائما بيدعموني و حبه برامجي و اتعلموا منها و بشكر ر بنا علي عشرين سنه اداني الفرصه فيهم اني اقضي حواءج الناس و اقدم كل ما هو مفيد . فخوره بكل حلقه و بكل حرف قدمته ٢٠ سنه تعب و سهر و ا كان و تصميم علي تقديم الحقيقه . انا اسفه ليكوا بس التمثيل رساله برضوا و هو حلمي الاساسي الي اتاخرت اوي عشان احققه يا رب وفقني و ساعدني).
كانت ريهام اعلنت عبر بث مباشر على السوشيال ميديا، انتهاء عرض برنامجها (صبايا الخير)، عبر قناة النهار.
قالت سعيد: (أنا حبيت أظهر وأوضح للناس أنا ما اتوقفتش، لكن عقدي انتهى مع القناة ولم يحدث أي خلاف مادي أو مهني بسبب حلقة أم نور).
تابعت: (أنا محتاجة أستريح شوية وأشوف أولادي وأصيف، ومش عارفة هرجع لكم امتى تاني بس الفترة تعدي شوية).
المذيعة ريهام سعيد، تعرضت خلال الأشهر الماضية، لانتقادات على مواقع التواصل الاجتماعي، بعد حلقتها التي عُرضت على شاشة قناة النهار، وما سبقها من برومو تشويقي على صفحتها بموقع التواصل الاجتماعي والتي استضافت فيها اليوتيوبر “أم نور”، الشهيرة بمقاطع “الكفتة في غرفة النوم”.
وعبر رواد السوشيال ميديا عن استيائهم من هذا الإعلان واستنكروا ظهورها على الشاشة واتهم البعض ريهام سعيد بالإفلاس والفشل في تقديم مادة إعلامية جديدة على الشاشة.
ريهام اعتادت على قرار ايقاف برامجها، وليست المرة الأولى التي تواجه فيها هذا القرار، فسبق وتم ايقاف برنامجها من قبل بعد سخريتها من البدينات، ومن قبله تم ايقافه أيضاً لتقديمها محتوى يحرض على الجدل والشعوذة.
إقرأ: ريهام سعيد أهانت مرضى السمنة؟ – فيديو
ريهام لا تستطيع النجاح بقيمة ما تقدمه من محتوى جيد، بل تنجح فقط في اثارة الجدل بعرض مواضيع خارجة عن النطاق تستفز المشاهدين.
)
