منذ 5 سنوات رغم الخلافات التي وصلت بينهما إلى القضاء، وجهت ملكة جمال سوريا والممثلة سارة نخلة، رسالة إلى طليقها الممثل المصري أحمد عبد الله محمود، وتمنت له حياة سعيدة مع امرأة غيرها، وأكدت أنها لا تتمنى له إلا كل خير.
اقرأ: ملكة جمال سوريا: طلقت أحمد لأنه نكدي
قالت سارة: (مناسبة أن أول رمضان، وأنا سينغل بعد 4 سنوات وكام شهر زواج، انتهت بكامل إرادتي، بتمناله ربنا يوفقه ويسعده وبرضو مهما كان، ومهما حصل، ومهما كنت متضايقة عشان الحوار طول، وما انتهاش بهدوء، وعشان لسة مش راضي يطلق لغاية النهاردة، بس العشرة والعيش والملح بتخليني اتمناله كل خير في حياته، ربنا يعوضه ويبعتله بنت تانية تقدر تسعده وتهنيه وتشيله على دماغها، وتبقى أحسن مني كمان).
اقرأ: سارة نخلة تتخطى أزمة طلاقها
تابعت: (عشنا أيام صعبة وحلوة ومتعبة ضحكنا وبكينا فحضن بعض، ابتدينا من الصفر، وأقل أحيانًا كتير عدت علينا أيام مش سهلة خالص، انكسرنا مع بعض ووقفنا تاني مع بعض، عشنا أيام نجاح وصعود حلوة، عمرها ما تتنسي والحمدلله بشهادة الدنيا كلها وبشهادته برضو، كان وشي حلو عليه، و قدمي كان قدم خير، ويارب يفضل الخير مرافق دربه، بعد ما أنا مشيت ولآخر العمر، حاولت أعدي كتير عشان المركب تمشي بس ربنا كاتب أن المركب توقف في نفس اليوم اللي اتقابلنا فيه بعد 4 سنين بالظبط باليوم وبالدقيقة، أنا مش هتكلم تاني في حياتي الشخصية أبدًا، وحبيت يكون دا آخر بوست في الموضوع دا).
اقرأ: سارة نخلة تفضح طليقها – وثيقة
اختتمت كلامها: (أنا ماشية في قضية الطلاق وقريبًا الموضوع يخلص إن شاء الله، إحنا بنتقابل في أي لوكيشن عادي إحنا في الآخر زملاء وأصدقاء قبل ما نكون زوجين في يوم من الأيام، لكن له كل الاحترام أنا وهو ما اتفقناش وبس، وكل حاجة قسمة ونصيب، لأول مرة هفطر لوحدي وأجهز الفطار لنفسي، واتفرج على شغلي، عندنا أجازة يوم واحد وهنكمل تصوير في رمضان، أكيد في غصة أني بعيدة عن أهلي بشتغل وبعافر بس أنهم فخورين بيا، وفرحتهم بس يشوفوا اسمي على التلفزيون، أكتر حاجة بتفرحني وبتنسيني التعب وكل سنة وانتو طيبين يارب، ويارب المسلسل يعجبكو ودوري يعجبكو).
)
