سما المصري تطلب العفو من

محمد صلاح وزوجته

تراجعت الراقصة سما المصري، عن طلب الزواج من اللاعب المصري محمد صلاح، بعدما أثارت الجدل، عندما عبرت عن حبها له وحلمها الزواج منه.

سما المصري نشرت عبر حسابها على موقع الانستغرام قائلة: (شفت برنامج جابر القرموطي وسمعت مداخلة عمدة نجريج قرية النجم محمد صلاح ولما سأله الأستاذ المبجل القرموطي عن رأيه في شائعة طلب زواج سما المصري من محمد صلاح رد العمدة وقاله لا تعليق، وكان باين من صوته انه زعلان).

وأضافت: (بص يا عمده حقك عليا وحق صلاح ومراته علي راسي بجد وحق أهل أعظم لاعب في العالم علي راسي بجد وحقكم كلكم عليا أنا والله عمري ما توقعت أن الموضوع يوصل للدرجة دي أبدا، أنا حسيت بحاجه وقولتها عندي هنا على الصفحة حتى مش في الإعلام ولا الصحافة بس الصحفيين هم اللي أخذوا الأخبار من هنا من عندي).

https://www.instagram.com/p/BiDdf_OjYbc/?taken-by=samaelmasrii

وتابعت: (يا حضرة العمدة صلاح حبيبنا كلنا مش حبيبي أنا بس ولو زعلك أنت ولا حد من أهله فانا ما أقدرش علي كده أبدا ووعد أني مش ها نزل أي بوست تاني يخص صلاح أو يخصني عشان ما أجرحش مشاعر حد، الموضوع كبر وهو موضوع تافه بس عتابي عليك وعلى المذيع القرموطي المحترم انه ما يصحش أني أتقارن بايات العرابي ولا ليبرمان الإسرائيلي وتقولي أني باشتت تفكير صلاح بالكلام دا ذي هم ما بيعملوا).

وختتمت كلامها قائلة: (أنا طلبت الجواز عادي ومكنتش فاكرة أن الموضوع هيزعل ناس وأهل بلده كده، حق كل قرية نجريج على راسي وحق صلاح ومراته علي عنيا، أنا بجد أسفه أرجوكم اقبلوا أسفي واعتذاري واعتبروني كنت باهرج وأنا إنسانه مجنونه ومريضه، صلاح دا أحسن حاجه حصلت في مصر وربنا يخليه لمراته وبنته وأسرته ويخليه لمصر كلها.. أنا أسفه بجد وأسفه لكل اللي بيحبوه كمان)

سليمان برناوي – الجزائر