انتقد المخرج المصري عمرو سلامة إدارة مهرجان القاهرة السينمائي الدولي التي بدأت فعالياته مساء يوم الثلاثاء الماضي، بسبب المشكلات التقنية التي واجهت المخرج الفلسطيني – الهولندي هاني أبو أسعد أثناء عرض فيلمه (الجبل بيننا The Mountain Between Us)، ما أدى إلى استياء الأخير وإيقاف عرض فيلمه.

المخرج المصري عمرو سلامة
المخرج المصري عمرو سلامة

كتب المصري عمرو سلامة مخرج فيلم (الشيخ جاكسون): “ام مخرج او سيناريست او ممثل او مدير تصوير او اي فنان سينمائي في مصر بيشوف كل سنة الأفلام اللي كسبت في مهرجان كان او برلين او فينيسيا او حتى بيشوف كل الأفلام اللي اترشحت الأوسكار؟ بلاش، كام منهم بيشوف الأفلام المصرية الثانية المستقلة او اللي فيها تجربة جديدة او حتى اللي خدت اهتمام دولي أو عالمي؟مش هاكون ببالغ لو قولت ان على اكثر تقدير ٥٪؜ من صناع السينما بس هم اللي عندهم هذا القدر من الاهتمام”.

تابع: “روح بقى أوروبا او أمريكا او حتى اسيا، واشتغل في موقع تصوير، هاتلاقي أسطى الإضاءة واصغر شاب في طاقم الانتاج شاف كل الأفلام ديه وبيناقشك فيها. ساعات بنقول ان مشكلة صناعة السينما في مصر هي “الورق” او “الإمكانيات” او “الاجور” او “الرقابة”. الحقيقي حتى لو ديه مشاكل حقيقية فالمشكلة الأكبر ان السينمائيين في مصر مش محبين حقيقيين للسينما، او حبهم للسينما هو متلخص في حبهم لما تعطيهم السينما من شهرة واموال وجمهور”.

المخرج الفلسطيني - الهولندي هاني أبو أسعد
المخرج الفلسطيني – الهولندي هاني أبو أسعد

واصل عمرو سلامة حديثه قائلاً: “ده تفسيري للي حصل امبارح في مهرجان القاهرة، ان اهم مخرج عربي في العالم النهاردة، عمل مجهود كبير لتأجيل العرض التجاري في مصر لفيلمه الامريكي المشارك فيه اهم نجوم في العالم علشان يفتتح بيه مهرجان القاهرة وعند بداية عرض الفيلم يهجرها الجميع للحاق بحفلة وعشاء، بسبب عدم اهتمامهم او بسبب تاخير معاد الحفل لسوء التنظيم كما قيل. انا نفسي عشت التجربة ديه في مصر في مهرجانين مختفلين، وعرفت حجم الحزن والاحباط لما اشوف طاقة الفنانين على السجادة الحمرا وعرض ابتساماتهم ثم انعدام طاقتهم لمشاهدة الفيلم وخروجهم واحد خلف الاخر حتى يصبح الفيلم معروض لأشباح وبعض الإختشوا وقعدوا. لهذا تفشل مهرجاناتنا، ويهجرها المحبين الحقيقيين للسينما، ولهذا تفشل الصناعة لنجاح في مقدورها الوصول ليه، فعندما يحتقر السينما صناعها، كيف سيحترمها الجمهور؟”.

على جانب آخر، نشر المخرج المصري فيديو لهاني أبو أسعد وهو يعتذر للجمهور الذي كان يحضر عرض فيلمه، وكتب الأول تعليقاً جاء فيه: “دي اللحظه اللي المخرج العالمي هاني ابو اسعد وقف فيها عرض فيلم الافتتاح لمهرجان القاهره بسبب ان القاعه مش مجهزه تكون سينما صوتياً و لا بصرياً و الفيديو بيكشف فضيحه ان الممثلين و المدعويين مشيوا و القاعه اللي بتشيل الف و خمسمايه بقي فاضل فيها ٣٠ واحد محترم. ده نص كلام هاني: “بشكر الموجودين من قلبى لأن أنتوا عظيمين جداا.. وباقى المدعويين محترموش السينما وفى نظرى ده شئ مهين إلي.. وثاني شئ جودة التقنيات والعرض سيئة ومش هي ديه الجودة اللى بنتظرها.. هل ده مهرجان القاهرة السينمائى؟!.. أنا برفض عرض فيلمى بهذه الطريقة.. وأنا طلبت وقف عرض الفيلم.. وشكراً ليكم مرة أخرى”.

شاهدوا الفيديو:

استياء مخرج حفل فيلم افتتاح مهرجان القاهرة السينمائى بسبب مغادرة المدعويين للعشاء

Posted by ‎القاهرة 24 – Cairo 24‎ on Wednesday, November 22, 2017

رنيم مطر

Copy URL to clipboard


























شارك الموضوع

Copy URL to clipboard

ابلغ عن خطأ

لقد تم إرسال رسالتك بنجاح

نسخ إلى الحافظة

أدخل رقم الهاتف أو بريدك الإلكتروني للإطلاع على آخر الأخبار