#عمرو_يوسف
Posted by Amr Youssef on Saturday, August 19, 2017
في أول رد له بعد انتشار شائعة القبض عليه بتهمة حيازة المخدرات، توعد الفنان المصري عمرو يوسف الصحافيين الذين نشروا هذه الشائعة السخيفة، مؤكداً أنه كان في منزله نائماً واستيقظ على اتصالات كثيرة من أصدقائه وأسرته للاطمئنان عليه.
قال عمرو في فيديو نشره عبر صفحته على الإنترنت: (صحيت النهاردة الصبح على خبر بايخ جدا وغريب جدا، كاتبين أحد المواقع أنه تم القبض عليا أنا وزوجتى فى القاهرة، ومعانا أقراص مخدرة، طبعا الموقع ده المفروض أنه موقع محترم وكبير وله أسمه).
تابع: (مبدئيا كندة مراتى فى الجونة، واللى متابعنا على السوشيال ميديا بقالنا فترة قاعدين فى الجونة، وأنا رجعت امبارح وهى لسه هناك، عشان كان عندى اجتماع شغل، امبارح والنهاردة وهسافر تانى، الموضوع مالوش أى أساس من الصحة، صحيت النهاردة لقيت الخبر زى الناس بالظبط، لقيت واحد صاحبى بيصحينى الحق ده فى خبر كذا كذا، بعمل الفيديو ده عشان 3 حاجات أول حاجة عاوز أطمن كل الناس اللى بتسأل عليا والتليفونات الكثيرة اللى مش عارف ارد عليها كلها، بشكركم جدًا أنا زى الفل وما فيش أى حاجة وكندة فى الجونة واحنا زى الفل).
أضاف: (تانى حاجة كل موقع أو صحفى كتب من غير ما يتحرى الدقة أو يتأكد من الخبر أنه صح أو غلط، فى قضايا ها تترفع علشان نجيب حقنا بالقانون).
اختتم كلامه قائلاً: (رقم 3 بشكر كل صحفى محترم أهتم وكلمنى وأنا رديت عليه وأتاكد إنه مفيش أى حاجة وأنا فى البيت مفيش أى مشاكل خالص وبشكركم جدًا إنكم اهتميتوا وكتبتوا الأخبار الصحيحة مش الغلط، بشكركم جدًا وأنا كويس جدًا وكندة زى الفل وصباح الفل عليكم).