منذ 7 سنوات أعربت الفنانة المصرية مي كساب عن حزنها الشديد بعد ظهور النجمة غادة عبد الرازق وهي تبكي بحرقة في أحد الفيديوهات التي نشرتها مؤخراً، بعد الأزمة التي تعرضت لها بعد انتشار صور لها من فيديو (لايف) أجرته مع محبيها، وأدعى البعض أنها ظهرت فيه بصورة غير لائقة.
كتبت مي: “انا عمري في حياتي ما باقول غير الحق ابويا رباني علي كده ودي شهاده حق وواجب عليه لازم اعمله انا بقالي ١٧ سنه بأشتغل في المهنه دي مثلت تقريبا مع كل الوسط الفني غاده عبدالرازق من اجدع وانضف الشخصيات اللي ممكن تشتغل معاها ست جدعه وأم حنينه جدا لبنتها الطياره المحترمه روتانا قزاز انا اشتغلت معاها فيلم طول الوقت كانت حنينه وجدعه معايا ومع غيري بتحب شغلها بتحترم الصغير والكبير وفوق كل ده طبعا دي موهبه عظيمه وكبيره استاذه وانا شاهده انها مش بتعرف تنام غير لما تاخد دوا فعلا وناس كتير عارفه تأثير الدوا المهديء ده ايه اعتذارك حاجه كبيره ومحترمه منك ودموعك غاليه جدا ما تضايقيش نفسك ربنا غفور رحيم وهوه ارحم من البشر بكتير وكل إنسان بيفهم ويري بعينه هوه وانا عن نفسي صدقتك وفخوره بيكي ربنا يخليكي لبنتك وأحفادك وكل اللي بيحبوكي”.
https://www.instagram.com/p/BWI8yKqjQQo/
تابعت: “انا مش عارفه ليه نوصل انسان انه يبكي بالشكل ده قدام ناس كتير و يبان مكسور كده من الفضيحه ، احنا للاسف بننصب المحاكم لغلطات الناس و ننسي نفسنا، بل بالعكس بنعصم نفسنا من الخطأ بغض النظر عن رايك فيها، بغض النظر عن رايي في الحصل و منغير ما نحاسب و نحرم و نكفر، دي ممثله قعدت سنين كتيير تقدم اعمال حلوه و ناس كتير حبتها ( حتي لو انت مش منهم) اه ممكن نعترض علي الغلط بس مش بغلط اكبر، ممكن ننصح بس مش في العلن، خلينا ناخد الايه كامله، مش ناخد نص الكلام بس. ربنا برضه غفور رحيم و ديننا دين اخلاق و معامله قبل اي حاجه، استروا بعض يا جماعه ربنا يستر علينا و يعفينا و يرحمنا من اي خطأ”.
نور عساف – بيروت
)
