لا يزال الهجوم مستمراً على الفنان المصري محمد_رمضان، بعد انتشار صور له عبر السوشيال ميديا، برفقة فنانين اسرائيليين خلال احدى الحفلات التي حضرها في دولة الإمارات العربية المتحدة.

اقرأ: هجوم عنيف على محمد رمضان وهكذا رد

انضم عدد كبير من الفنانين والمذيعين للجمهور الذي هاجم رمضان، ووجهوا له رسائل حادة، واتهامات بالتطبيع مع اسرائيل.

من بين الفنانين الذين هاجموا رمضان كان كل من:

الفنان محمد جمعة الذي اقتبس أبياتًا للشاعر الراحل أمل دنقل من قصيدته الشهيرة «لا تصالح»، وهي: «لا تصالح ولو منحوك الذهب.. أتُرى حين أفقأ عينيك ثم اثبت جوهرتين مكانهما.. هل ترى؟.. هي أشياء لا تُشترى».

المذيعة ريهام سعيد نشرت مقطع فيديو عن الشهيد محمد الدرة وعلقت عليه: «محمد رمضان انا دافعت عنكً كتير عشان انت ناجح و طموح . بس دي لا . ان كنت ناسي افكرك».

الفنان محمد علي رزق علق قائلًا: «أعداء و هيفضلوا أعداء…و الإتفاقيات دي حبر علي ورق علشان نرجع باقي الأرض من غير دم…لكن إللي في القلب في القلب ليوم الدين».

المخرجة كاملة أبو ذكري نشرت عدة صور لأطفال ومناضلين فلسطينيين بينهم الطفل الشهيد محمد الدرة والمناضلة الشابة عهد التميمي، وذلك في رسالة واضحة ردًا على صور «رمضان» وعلقت على كل منها «حتى لا ننسى».

الفنان محمد عدوية وجه رسالة قاسية جاء بها:

(أحب أوجه رسالة قصيرة جدا لنمبر وان، أنت لا تمثلني كموطن مصري سيبك بقا من النجومية والأسامي واللقب وأنت لما بعتلي من سنه عشان اعملك تتر مسلسل وأنا رفضته شكلاً وموضوعا عشان انا راجل بحترم فني ومبتاجرش بيه لو هيوصلني الفضاء مش هقول ليك العالمية.. وبعد الصورة الأخيرة اللى اتكلمت عنها الصفحة الرسمية لإسرائيل بتتكلم بالعربية أنت أولاً وأخيراً لا تمثلني كمصري أنت بتمثل نفسك وبس).

الفنان وليد فواز وجه رسالة مطولة لرمضان جاء بها: (محمد إزيك فعلا واحشني محمد رمضان الطموح الموهوب اللي قابلته في بداية الطريق … محمد اللي لما عمل إحكي يا شهرزاد قابلني في موقف الإسعاف وقالي فواز انا نازل أشوف صورتي علي الافيش ( إحنا هنبقي نجوم جامدین یا اله ) بس إنت الأجمد دلوقتي ك واحشني محمد اللي كان بييجي يتفرج عليا في مسرح الشباب ويبدد بحماسه و طاقته التي لا تنضب بالأمل أي شعور بالإحباط عند أي حد بيشوفه ….

محمد اللي واحشني هو محمد اللي في الصورة دي أنا حابب أحط الصورة دي أكتر من أي صورة تانية ليك دلوقتي … الو الناس كلها قالت إنك إتغيرت ميخصنيش لإني عارف إنت مين وقد إيه كنت جدع معايا .. محمد اللي انت وصلتله ولسة هتوصله کمان فعلا تستاهله لإنك مميز وقبولك رباني .

بس إسمحلي يا صاحبي العنيد وإللي أعرف عنه من زمان إن دماغه أنشف من الحجر ولا يسمع إلا عقله فقط …. اطلب منك أن تعيد النظر في إللي بيحصل عشان خاطر جمهورك الحقيقي ” الناس البسيطة والتي نصبتك ملكا متوجا علي قلوبهم الناس اللي شافت فيك الأمل وبص من منظارهم للحكاية … بعيدا عن أي ” مزایدات ” ” فيه خطأ حصل وإللي حصل حصل وخلاص وانت كبير وناضج واب ورب اسرة وعارف ايه الصح وايه الغلط .

لكن يا صاحبي الإعتذار من شيم الرجال ولا يقلل منك أبدا فکر یا محمد عشان خاطر جمهورك الكبير وموهبتك محبش اشوف واحد بحبه بجد يدفع تمن فاتورة كبيرة قوي هي أصلا مش بتاعته محمد إنت ذكي جدا وهتعرف تقعد مع نفسك وتحط إيدك علي الصح … ربنا يعديك من المحنة دي علي خير ” رفيق الرحلة ” فواز).

رمضان دافع عن نفسه وسط كل هذا الهجوم وكل تلك الاتهامات وقال في رده: «أنا لا أعرف أنا بتصور مع مين وكلنا بشر، وأي حد بيطلب يتصور معايا لا أرفض».

وتابع قائلا: «كلنا بشر ولا يمكن أن أسال أي شخص يرغب في التصوير معي عن جنسيته ايه أو لونه أو شكله».

وأضاف: «كلنا واحد وخلقنا ربنا الواحد الأحد.. وأنا معرفش أنا بتصور مع مين وجمهوري يعلم ذلك .. ثقة في الله نجاح».

كما نشر عبر صفحته صورة لعلم فلسطين تعبيراً منه عن كامل حبه واحترامه لهذا الوطن ورفضه للاحتلال الصهيوني.

كان الناشط الإماراتي حمد المزروعي صورة للفنان محمد رمضان، تجمعه مع المطرب الإسرائيلي عومير آدام.

وتداول رواد التواصل الإجتماعي الصورة وانتشرت بشكل واسع، وهو ما عرض الفنان محمد رمضان للانتقاد.

إقرأ: محمد رمضان لمَ يخلع قميصه دائمًا وماذا يقول العلم؟ – فيديو

وعلق «المزروعي» علي الصورة:: «أشهر فنان في مصر مع أشهر فنان في إسرائيل دبي تجمعنا».

Copy URL to clipboard


























شارك الموضوع

Copy URL to clipboard

ابلغ عن خطأ

لقد تم إرسال رسالتك بنجاح

نسخ إلى الحافظة

أدخل رقم الهاتف أو بريدك الإلكتروني للإطلاع على آخر الأخبار