انها السيّدة فيروز الغائبة الحاضرة في مسائاتنا وصباحاتنا وخلال قهوتنا، انها السيرة الممتازة على لسان كل لبنان أو عربي، والكل أجمع بأنها الأسطورة التي لم يخلق مثلها التاريخ ولن يفعل ذلك. لدينا فيروز واحدة ترافقنا في كل أيامنا.. وكلما أردنا أغنية عن لبنان نذهب (لبحبك يا لبنان) وكلما نوجه تحية للمغتربين نستمع (يا جبل البعيد) انها رفيقة دربنا وأيامنا ومشاعرنا.

وفي عيد الأم لا يسعنا إلا أن نعايد السيدة فيروز الأم التي ربّت أطفالاً بدموع عينيها رغم أوضاعها ورغم غياب عاصي الرحباني عن حياتها، ربّت أولادها على الإحترام وحب الوطن وربّتنا على أذن موسيقية نظيفة.

الأسطورة اللبنانية فيروز
الأسطورة اللبنانية فيروز

وبمناسبة عيد الأمهات، أطلقت السيدة فيروز أغنيتها الجديدة بعنوان (اللي بدو يصير) ونشرت ابنتها ريما الرحباني الأغنية على صفحتها على الفايسبوك شارحة تفاصيل هذه الأغنية ورغبة السيدة فيروز بغنائها منذ زمن طويل..

وكتبت ريما الرحباني قائلة: “هالغنّية هيّي من أحب الأغاني ع قلب إمي، من زمان كتير حابّة ينعملّا كلام.. وبما إنّو ما في شي بيصير إلا بوقتو وإذا إجا وقتو. صار، وكانت من ضمن أغاني “ببالي”! إنّما بسبب تأخّر حقوق النشر، قرّرنا نمشي بالأسطوانة، اللي ما حبّينا نأخّر صدورا، بيدونا. اليوم بعيد الأمّهات حابّة قدّما هديّة لإمّي يطوّل عمرا ويخلّيها فوق راسنا وتاج راسنا.. وتحيّة لبيّي.. وتحيّة لإختي ليال وجدّي وديع وستّي ليزا ومربّيتي جمال، اللي رغم إنّهن فلّوا بكّير وتركونا بعدُن معي بزوايا بالي! ولإخوتي زياد وهلي كل الحب يطوّل عمرُن ويخلّيلي ياهن. وتحيّة من القلب لكل الأُمّهات بهالدني، اللي صاروا واللي فلّوا واللي جايين! ريما عاصي الرحباني”.

أغنية (اللي بدو يصير) للسيدة فيروز

https://www.facebook.com/Reema.Rahbany/posts/1848790225171995?pnref=story

كم نشتاق لإطلالات السيدة فيروز وحفلاتها التي كانت تحييها في لبنان والدول العربية.. وكم نتمنى نحن الجيل الجديد أن نشاهد فيروز على المسرح ونُطرب أذاننا بصوتها الملائكي العذب!

سارة العسراوي – بيروت

Copy URL to clipboard


























شارك الموضوع

Copy URL to clipboard

ابلغ عن خطأ

لقد تم إرسال رسالتك بنجاح

نسخ إلى الحافظة

أدخل رقم الهاتف أو بريدك الإلكتروني للإطلاع على آخر الأخبار