منذ 4 سنوات اعلنت المطربة المصرية إيناس عز الدين، اصابتها بفيروس كورونا المستجد، إلا إنها قالت إن حالتها الصحية مستقرة إلى حد ما، وتمضي فترة من العزل بمفردها داخل منزلها، وليست في المستشفى.
كتبت إيناس: (الحمد لله حتى الآن أنا حالتي مستقرة إلى حد ما، وفي الحجر المنزلي لوحدي ومش بختلط بأي شخص وبلتزم بالإجراءات الوقائية المُتبعة وكل ده طبعاً بالمتابعة مع وزارة الصحة، إلا إذا الحالة ساءت ساعتها بيحصل عزل طبي في إحدى مستشفيات الحجر الصحي وده الإجراء المتبع من قبل وزارة الصحة معايا ومع ناس كتير وده بروتوكول مُتبع في العالم كله مش في مصر بس، وهو إن الحالات السيئة بس هي اللي بتدخل عزل صحي في مستشفيات ومافيش حاجة اسمها لو مريضة انزل أي مستشفى عادية جنب بيتي).
تابعت: (نزولي المستشفى وأنا مصابة معناها إني هعدي كل شخص في طريقي ومافيش مستشفى مجهزة أنها تستقبل حالات إلا المستشفيات المخصصة من قبل وزارة الصحة ودي الوزارة اللي بتحول عليها الحالات اللي محتاجة إنها تتعزل في مستشفى والفيروس ليه درجات، فيه درجات بتتابع من البيت مع وزارة الصحة وبيتعملها حجر صحي منزلي وفيه حالات بتتدهور فبيدخلوها العزل الصحي بالمستشفيات).
اضافت: (حالتي تستدعي الحجر المنزلي حتى الآن الحمد لله، الأعراض التي ظهرت عليّ هي كحة جافة جداً، ونشفان ريق، ألم شديد في الحلق مع صعوبة في البلع وألم بحرقان شديد في منطقة الصدر كأن طوبة على الصدر، وهن و ضعف شديد وألم في الجسم مع صداع و دوخة بسبب عدم وصول الأوكسجين بشكل كافي بسبب صعوبة التنفس مافيش حرارة حرارتي مش بتتخطى ٣٧ ونص و ده لأن الجسم لسه ما وصلش للمرحلة اللي يتهاجم بشدة من الفيروس فتبدأ الحرارة ترتفع علشان تهاجم الفيروس).
)
