منذ 7 سنوات عبّرت النجمة السورية مها المصري عن اشتياقها لوالدتها الراحلة، من خلال رسالة كتبتها لها عبر حسابها على موقع الـ Instagram.
نشرت مها صورة لوالدتها، وعلّقت قائلة: “حبيبتي ماما فقت اليوم كتير بكير مع أنو ماعندي شي ساوي اليوم بس حسيت أني كتير مشتاقتلك أكتر مابتتصوري تذكرت لما كنت حاكيكي وقلك حجزت وجاية عالشام مابعرف ياأغلى مخلوقة بحياتي شوصرلي صرت أبكي متل الولاد الصغار تمنيت لو لساتك موجودة وماتركتينا بفرح لكل حدا لسة أمو عايشة”.
تابعت: “أنا مارحت من بالي أبدا بس اليوم والله كتير كتير مشتاقتلك انشالله تكوني شايفتينا وحاسة فينا وأنتي بتعرفي قديش كلنا منحبك وانشالله تكوني رضيانة علينا المهم ياروحي قريتلك الفاتحة وقمت توضيت وصليت الضحى وقعدت قلب بالموبايل وأتفرج على صور قديمة كان باعتهن حبيبي أخي بسام من كندا عالواتساب اخترت هالصورة وكتبتلك هالرسالة وحبيت شارك أصدقائي فيها منشان يترحمو عليكي ويقرولك الفاتحة انشالله”.
ختمت مها رسالتها قائلة: “بحبك وماشبعت منك ومااتهنيت فيكي لأني كنت أكتر الوقت عايشة برات سوريا الله يرحمك ويجعل مثواكي الجنة ياماما”.
نور عساف – بيروت
)
