منذ 3 سنوات أصدرت نقابة المهن التمثيلية في مصر برئاسة الفنان أشرف_زكي، بيانًا، حول الأزمة الحالية بين الفنانة مها_أحمد، والنجمين أحمد_السقا، أمير_كرارة.
وقالت النقابة في بيانها: “تهيب نقابة المهن التمثيلة بأعضائها رموز الحركة الفنية وصناعها وقوة مصر الناعمة وواجهتها الحضارية الالتفاف حول قضايا الوطن ورفعته والقضية الفلسطينية والالتزام بأخلاقيات المهنة والدور التنويري الذي يلعبه الفن والفنان في الارتقاء بالمجتمع”.
واستكملت: “وهو الدور الذي أشار إليه فخامة رئيس الجمهورية حين أشاد بالدور الإيجابي الذي لعبته الدراما التليفزيونية هذا العام، وهو الأمر الذي يدعونا جميعًا للفخر والتكاتف والعمل على تأكيد هذه القيمة وهذا الدور الإيجابي”.
وتابع البيان: “وهو الأمر الذي لا يتسق نهائيًا مع بعض السلوكيات المرفوضة تمامًا، والتي تسير خارج هذا السياق السياسي والاجتماعي والأخلاقي من تراشقات غير لائقة عبر وسائل التواصل الاجتماعي بين دوائر محدودة من دوائر صناعة الدراما، مما قد يشوه هذا النجاح الكبير الذي حققته هذه الصناعة العظيمة هذا العام من خلال نماذج فنية عديدة مشرفة وتاريخية، مثل مسلسلي الاختيار وهجمة مرتدة”.
وأضافت: “يناشد مجلس إدارة نقابة المهن التمثيلة السادة أعضاء النقابة الأفاضل بالالتزام بجادة المنطق والتعالي على كل ما هو شخصي لصالح المصلحة العامة، كما تدعوهم للتضامن مع قضايا الوطن، وفي مقدمتها القضية الفلسطينية”.
ما هي الأزمة بين مها والسقا وكرارة؟
بالأمس هاجمت الفنانة مها أحمد، النجمين المصريين أحمد السقا، أمير كرارة، وكتبت تحكي بعض المواقف التي مرت بها معهما، معتبرة أنهما خذلاها وتكبرا عليها، واستغلت الجدل المثار حول مسلسهما (نسل الأغراب)، وايقاف مخرجه محمد_سامي، وشمتت بهما.
قالت: (عوضي على الله دي الجملة اللي دايما بقولها لما اتصدم في أشخاص. الحكاية يا سادة نجمين عملوا مسلسل واتنجمت عليهم بنوتة لسه ألف باء تمثيل، واديتهم على..، إلى أن أصبحت بطلة المسلسل وبطلة الدعاية للمسلسل، وهما راضيين رغم إن طول عمرهم مبيعملوش كده مع أي زميلة لهم أقربها أنا).
اقرأ: أمير كرارة غاضب من محمد سامي
تابعت: (النجم الأولانى بيني وبينه عيش وملح وزمالة، رُشحت فمسلسل بطولته وكان بيقنعني بدور ولما وافقت بعتولي دور تانى معرفوش، دور متعملوش واحدة مبتدئة، المفروض انه عارف قيمتي الفنية، وعارف اني إضافة له، اتهرب مني وموقفش جنبي وباعني، رغم ان الكل عارف اني زي اخته).
وأضافت مها (أما التاني كان في بداياته يتمنى يسلم عليا ويقولي يا أستاذة، نزلت من نفسي وقلتله مش هنشتغل مع بعض، ما هي الحوجة مرة رد وقالي الدور ينادي صاحبه. طبعا محكلكوش قد ايه ندمت نفسي وعشت أسود أيام حياتي عياط واكتئاب. وقلت (عوضي عليك يا رب).. تمر الايام والاتنين يعلو ويتجمعوا مع بعض في مسلسل واحد (على عينهم طبعا)، ويمثلوا وحش قوي تمثيل الكفار، وطلعوا كمان مبيقروش اللى بيمثلوه، ويتحول المسلسل والدعاية الدراما كاملة لصالحها، وهما (مخدماتية للأستاذة).
اقرأ: ذل السقا وكرارة أمام زوجة المخرج!
واختتمت: (يمهل ولا يهمل ابدأوا من جديد يا أوفر تمثيل، ياللي مبتقروش يا كومبارس جنب النجمة، نصيحة بلاش تتشطروا على اللي كان بينكم وبينهم عيش وملح، بلاش تتشطروا على أساتذتكوا. (عوضنا على الله). يا رب متحوجنا لحد حتى ولو كان أقرب الناس لينا).
اقرأ: صراع السقا وأمير كرارة على مي عمر!
سريعاً ردت والدة السقا وشقيقته على اتهامات مها له، ووجهت كل منهما رسالة قاسية لها دفاعاً عن السقا الذي صمت أمام هجومها المعيب!
قالت والدة السقا: (ع الأصل دور كومبارس فاشلة تتطاول وتسب فنانين كبار وتعلق فشلها عليهم تبحث عن الشهرة بطريقة بذيئة، مهما حاولتي يا كومبارس ليس لك مكان بين الفنانين المحترمين وان طلع العيب من أهل العيب ما يبقاش عيب).
أما شقيقة السقا فقالت: (الكلام ده موجه ليكي يا أستاذة مها، بدل ما تفضلي تمسحي ردي كل شوية أبهرتيني يا مها بأخلاقك العالية، وبأنك افتكرتى العيش والملح اللى كلتيه فى البيت بتاع الفنان اللي مش عارفة تقولى اسمه بس عرفتى تقولى عليه (ندل) اللي هو أحمد السقا، بس أنا بقولك قدام الناس، قطع لسان أى حد يقول عليه كده لأنه راجل أكرمك ووقف جنبك أنت ومجدى بدل المرة ألف.. وأمير كرارة برضو راجل جدع ومحترم للى ما يعرفهوش فى البوست بتاعك ده.. معرفش إيه الفرص اللى كانت عندك اللى كان يتمنى يشتغل معاكى فيها زمان، بس هو أى حد يتمنى يشتغل معاه دلوقتى أكيد.. وكلمة الدور بينادي صاحبه دى بتاعة أفلام.. ما بتتقالش في الحقيقة كفايا دراما وتشويه للناس).
اقرأ: محمد سامي في ورطة وايقاف التعامل معه في مصر!
تابعت: (وبعدين هما كممثلين مش مطالبين يقفوا جنبك ولا يجيبولك أدوار على فكرة.. دى رؤية مخرج وناس بتوع كاستنج، الحقيقة أنا مش عارفة أنت عايزة إيه.. أنا مش شايفة بعد العشرة الطويلة اللى أنت قولتى عليها غير كمية الحقد والسواد والشماتة اللى كانوا متداريين ورا ابتسامة كدابة، معرفش أنت إزاى كنتى بتدخلى بيوتنا الصراحة وأنت ست وحشة كده.. نسيت أقولك السب والتطاول ده بيدل على الأصل.. وإحنا بقى ولاد ناس، مع أننا عندنا كلام كتير أوى يتقال).
الفنان المصري أمير كرارة، رد على ما قالته مها عنه، وقال: (انا عمري ما شوفتها اصلا والله).
تابع: (وجملة الدور بينادي صاحبه دي اكيد معرفش بتتقال ازاي والله).
اختتم كلامه: (سبحان الله مع انها كانت مبسوطه من المسلسل ومن جملة كتع كسح كسل ومتكلمتش غير بعد قرار محمد سامي لما نزل).
)
