منذ 4 سنوات نشرت الممثلة اللبنانية القديرة ليليان_نمري صورةً لها، ظهرت في إحدى المناطق الطبيعية الجميلة دون أن تضع الكثير من المساحيق، لتطل بعفويتها المعتادة وجمالها الذي يومًا لم يحتاج أي تعديلات جمالية.
ملكة الكوميديا لطالما دعت إلى الحب ونبذت الحرب، وأكثر من مرة طالبت اللبنانيين بالتمسك بوحدتهم وأبدت حزنها الكبير على تفجير بيروت المروع الذي أسقط ١٨٠ شهيدًا وآلاف الجرحى.
إقرأ: ليليان نمري: (رجعونا ٤٥ سنة لورا ولازم نصلّي)!
اليوم طالبت استرداد أموال الناس وجنى أعمارهم لكي لا يهاجر شباب لبنان إلى الخارج.
كتبت برسالةٍ مؤثرة: (كل شلش مغروس بهالأرض بيحكي تاريخ وعنفوان وعِز و كرامة بوطن ما بيموت، مقهورين زعلانين تعبانين يإسانين، اكيد، بس ما منفِل وما رح نفِل هالأرض مش لحدا إلا لأبنائها، هالأرض مش لحدا، إلا لكل اللي بيحبوها ولكل اللي إستشهدوا عليها ولكل اللي ما تركوها).
تابعت: (صحيح حبة من تراب لبنان بكنوز الدني، بس يرِدوا مصريات وعَرق جبين العالم، لا شَرع ولا دين ولا جمعيات حقوق إنسان بيرضو بذِّل الناس (اصلا وينن) ما تِجبروا حدا يفِل، ما تسمَحوا لشبابنا يهاجروا).
أضافت ليليان: (ما حدا بيترك ارضو وبيتو بخاطرو، ما بقا تكِسروا بخاطر اي إم بوداع ولادها، الـ بيفكر يفل مش خاين لوطنو، بس الجوع كافر وللأسف إللي معو مش فارقة معو.. الخلاص من عندك يا رب).
)
