نجا نجم “باب الحارة” ولممثل السوري أحمد رافع من فيروس_كورونا الفتاك، وبعد خروجه من المستشفى روى كل ما حدث معه بالتفاصيل.
وقال في اتصال هاتفي مع “بوسطة”: “بترجاكم الكمامة هي صمامة الأمان الليالي الصعبة اللي مرت عليي وأنا عم اختنق يتمنى ما تمر على حدا نهائيًا.. في كتير مشافي خافت مني، ما قبلوني.. خافوا”
اقرأ: الممثل السوري يتعرض لوعكة صحية وأصيب بكورونا؟ – صورة
وتابع: “مرض كورونا أنا كنت مفكر حالي انو رح يموتني.. أنا رحت على أكتر من مستشفى خاص ومع كل أسف ما قبلوا يستقبلوني.. يمكن لأن ما عندن أجهزة طبية تستقبلني ما رح أذكرهم خافوا.. يقلوا لنور خدو على مشفى الدولة، خدوا على مشفى الأسد، أو خدو عالماواساة.. أنا وابني نور واقفين على الدور قدامنا شي عشرة بمشفى الأسد الجامعي اجوا 2 جاب ست وواحد جاب رجل وقلوا والله نحن مستعجلين أخي حطيناه بالاسعاف هي رقم الموبايل تبعنا بس يموت خبرونا نجي بناخدو.. وأيضًا التاني قال نفس الكلام عن المرأة ما غلطت أنا لما قدمت الصورة الحقيقية اللي عم شوفها ما غلطت أبدًا”
اقرأ: الممثل السوري انتصر على كورونا
وأضاف: “أنا يمكن قلت بدل 26 شهيد أنا يمكن قلت 60 غلطت بس يبدو في ناس حوروا بعض الحوارات اللي أنا حاكيها.. بسبب الضغط ما عم بيلحقوا ما ميزوني أنا كأحمد رافع، ما قالوا انو أحمد 5 نجوم وهدك أقل لا كانوا أبطال مع الجميع.. كذا يوم عدة مرات بالليل اختنق ما عاد عندي رئة اتنفس منها لا قيهن فوف راسي خمس أو ست أطباء نساء ورجال فوق راسي.. كل من يخدم في الطب في مشفى الأسد الجامعي ووزارة الصحة ووزارة التعليم العالي هدول تاج على راسي هدول أبطال عم يرموا نفسن”