دعم الفنان المصري أحمد_فلوكس، الطالبة حبيبة طارق، بعد الواقعة التي حدثت معها وتعرضها للتنمر والتحرش اللفظي في الجامعة بسبب فستان حضرت به يوم الامتحان.
اقرأ: أحمد فلوكس يعود لزوجته الأولى – صورة
وعلق فلوكس قائلاً: “لو ابني كبير شويه مكنتش اتردد لحظه اني اجي و اطلب ايدك لابني سيف ربنا يحفظك).
وعلقت حبيبة على الصورة قائلة: “ده شرف كبير ليا والله وشكرا جدا لحضرتك علي كلامك ده ليا فرق معايا كتير نفسيا حقيقي انا مكنتش متخيله كميه الدعم دي .. شكرا فعلا كلامك كان فارق ليا كتير”.
ليرد عليها فلوكس قائلاً: “ماتشكرنيش يا حبيبه، واللي حصل اتعلمي منه حاجه واحده ان الدنيا دي بنعشها علشان نواجهه مواقف و نتعلم ، ماتخلهاش تأثر فيكي ابدا و لكن اعرفي الحكمه دايما من الدرس اللي ربنا عايزنا نتعلمه من المواقف دي …. و اوعي تخلي بشر تاثر فيكي ابدا ..انتي قمر و الدنيا كلها قدامك ربنا يكرمك يا عروسه”.
ما هي قصة فتاة الفستان في مصر؟
روت الطالبة حبيبة طارق تفاصيل الواقعة التي حدثت معها في الحرم الجامعي، وذلك خلال مداخلة هاتفية مع الإعلامي عمرو_أديب، ببرنامج الحكاية المذاع عبر قناة ام بي سي مصر قائلة: “انا اتعرضت إلى التحرش اللفظي وانا بمتحن من المراقبين نساء ورجال، وذلك بسبب فستاني انا مش عارفة الفستان في ايه، والمراقبة تنداهلي ليه مش من حقها لا وكمان قالتلي انتي نسيتي تلبسي البنطلون وسط زمايلي وصحابي بقيت تنادي لكل المراقبين وتقولهم تعالوا اتفرجوا، يتفرجوا على اية؟؟!.. ولية تلفت النظر وتخلي الجامعة كلها تتفرج عليا وانا معملتش حاجة اصلا”.
إقرأ: هنا شيحا تعلن انفصالها عن فلوكس
