أدلت الفنانة المصرية أمينة خليل، بتصريحات مفاجئة حول علاقات الحب السابقة التي مرت بها، وتأثير عملها كفنانة على فشل بعض تلك العلاقات.
اقرأ: أم أحمد فهمي ترد على هنا الزاهد: قليلة الأصل!
وقالت أمينة خليل، في حوارها مع المذيعة إنجي علي، في برنامجها أسرار النجوم، المذاع عبر محطة نجوم FM: “ساعات كنت بتكسف زمان من شغلي وبحس أن لأ متنجحيش أوي كده علشان شريك الحياة ميتكسفش وميحسش أني ناجحة عنه، وبالتالي بدأت تبقى مشكلة عندي وأنا السبب فيها، مفيش حد يستاهل إني أهدم نجاحي علشانه، أنا لازم أكون واثقة في نفسي وإن الشخص اللي هحبه يحبني بكل ما فيا وبنجاحي، وهيبقى واثق من نفسه إن نجاحي مش هيهزه ويبقى فخور بيا”.
وعن مواصفات شريك حياتها المستقبلي، علقت أمينة خليل: “طبيعي أقول حاجات كلاسيك زي أنه ميكونش بيكدب ولا يخون، ولكن مبحبش الراجل اللي مش طموح، تخيلي إني طول النهار بطلع بحاجات نفسي أعملها وبجري على أحلامي وبحاول أحققها، وبتكلم مع راجل بلا طموح هحس إننا مختلفين، ولو الشخص طموح وبيجري ورا أحلامه بيحببني فيه”.
وأكدت الفنانة أمينة خليل، أنها ستختار الفن إذا خيرها شريك حياتها بينه وبين الفن، والحالة الوحيدة التي ستتخلى عن الفن فيها إذا كان من أجل ابنها أو ابنتها في المستقبل.
