نعت الفنانة المصرية إلهام_شاهين، النجمة المصرية الكبيرة رجاء الجداوي، وتحدثت عنها في مداخلة هاتفية مع المذيعة لميس الحديدي، عبر برنامجها (القاهرة الآن)، على قناة (العربية الحدث).
قالت إلهام: (كانت مجمعانا وأم لينا كلنا وواقفة جنب الكل، مثال للست الجدعة المصرية الأصيلة مثل وقدوة بجد..قدوة في الإنسانية.. اللي الناس متعرفوش عنها انها شعلة نشاط إنساني في مساعدة البشر.. عايزة تقف مع الناس كلها. في كل شيء تلاقي رجاء في الفرح والحزن وكل الأوقات).
تابعت باكية: (كانت حنينة جدا.. ده آخر حنان كان ممكن أخده في الدنيا بعد أمي.. أقسم بالله كنت بقولها يا رجاء متاخدنيش في حضنك لما بطوّل في حضنها بعيط، بقولها حضنك زي حضن ماما.. لأنها صادقة بتحضن بصدق مش بتجامل.. بعد رجاء مفيش حنان مفيش عطاء مفيش خير.. كل الناس الكويسة خلاص راحت).
النجمة المصرية القديرة رجاء الجداوي رحلت عن عالمنا صباح يوم ٥ يوليو/تموز، عن عمر يناهز ٨٢ عامًا بعدما انتصر عليها فيروس_كورونا اللعين وقضى على جسدها الذي كان مفعمًا بالحياة والنشاط والحيوية.
إقرأ: رحيل النجمة القديرة رجاء الجداوي
