نشر المذيع المصري شريف مدكور فيديو قصيرًا له يطمئن متابعيه على حالته الصحية بعد غيابه لشهور طويلة عنهم، وأعلن إصابته بفيروس في الدم أثناء علاجه من سرطان القولون.
قال: (أنا بقالي كتير مش بطلع لايف وبفتح لاقيت رسايل كتير من مرضى الكانسر واللي بياخدوا علاج وبيطمنوا عليا).
تابع: (أي حد بياخد كيماوي مناعته بتقل، دي حاجة معروفة، أنا كابرت شوية وبقيت أنزل الشغل واعافر واشتغل زي ما أنا، وأنزل وأخرج وأسوق العربية وأعمل كل حاجة، في بعض الإرشادات اللي كانت متقالالي وأنا معملتهاش، إن أنا الناس اللي كانت بتسلم عليا كنت بسلم عليهم وببوسهم، فأنا جالي فيروس بقالي خمس أسابيع الفيروس ده بيبقى في الدم وموجود عند كل الناس بس بيبقى بنسب قليلة).
أضاف: (أنا طلع عندي لغاية 900 وده أدي إن درجة حرارتي بقالي خمس أسابيع واصلة لـ 39 ونص، هو مالوش علاج غير إن الجسم يحاول يتخلص منه، وده اللي بيحصل لكن أنا عندي أنيميا بسبب الكيماوي والمناعة قلت عندي وده طبيعي جدا لأي حد بياخد كيماوي).
سرد: (جسمي هلك عشان يتخلص من الفيروس هو لسه عندي بس الحمدلله حرارتي قلت.. أنا إمبارح روحت مستشفى دار الشفا ونقلت كيسين دم، لتر دم عشان جسمي يقدر يقضي على الفيروس.. الموضوع مالوش دعوه أوي بالكانسر.. أنا اللي اهملت وعافرت.. اتحسنت شوية وقادر اتكلم).
https://www.facebook.com/sherif.madkour.9/videos/10156728614043093?d=n&sfns=mo