يواصل الفنان المصري تامر حسني، مجهوداته في توعية جمهوره للوقاية من فيروس كورونا المستجد، إيماناً منه بدور الفنانين في توعية الجماهير ومساندتها في المواقف الصعبة.
حسني، روى موقفاً تعرض له وكتب:
(أنا شوفت موقف قدامي صدمني مش قادر محكيهوش ….
شوفت واحد بيقول لصاحبه: ( ياد شيل الماسك ياد و إسترجل )
طب هو عشان في وجهة نظر حضرتك يسترجل فيكون سبب في موته و موتك و ضرر كل من حوله معقول كل دول العالم المتطوره مؤمنه بالوقايه دي و إحنا بقى اللي عندنا الفهلوه و المفهوميه كلها اللي بيتريقوا على الوقايه دي أكيد مسكتلوش و فهمته على قد ما أقدر و فهمته يا سيدي لو حتى انت من الناس اللي بتقول دا وهم مش هتخسر حاجه لما تاخد كوكب الأرض بالكامل على قد عقله و تحافظ على نفسك الكام يوم دوول بس المشكله إن في منه كتير بيفكروا زيه).
تابع: (عشان كدا كلنا لازم نتكلم كتير مع كل الناس و لو النزول للضروره القصوى عشان بعض طبيعة شغل الناس اللي باليوميه فنلتزم بكامل تعليمات الوقايه ،ارجوكم اتكلموا كتير مع الناس عشان نوعي اي حد مش حاسس بالخطوره لازم نلتزم و نقعد في البيت ١٤ يوم يا ناس عشان نسيطر على إنتشاره و ميتحولش لوباء الصين إنتصروا على الوباء لما إلتزموا و منزلوش الشوارع نهائي ولو في ناس شغاله بيوميات لازم توصلهم يومياتهم لحد عندهم من باب الرحمه عشان ربنا يرحمنا و انا بدأت بنفسي و عملت كدا و اكتر من كدا).
اختتم كلامه؛ (يا جماعه دا إن شاء الله إختبار من ربنا و هننجح فيه لو اتعاملنا معاه صح و بمنتهى الرحمه و التعب وارد يحصل لأي حد فينا و هيخف إن شاء الله زي ما آلاف خفوا و خفوا من امراض أكتر من كدا بمليون مره و دا مش أول وباء عالمي يمر علي البشر و غيرنا مر بأكتر منه دي فرصه للي مقصر في حق ربنا إنه يقرب منه تاني .. اهو دا جانب ايجابي لازم نشوفه لازم نشوف ان الصعوبات دي بتشيل من علينا كتير عند ربنا و ربنا هيعوضنا خير عنها ان شاء الله و مننساش ندعي ربنا كتير لأنه هو خالق كل الكائنات دي و قادر إن يوقفها بمشيئته).