رد الفنان المصري حسام_حبيب، على تصريحات طليقته الفنانة المصرية شيرين عبد الوهاب، بعدما شنت هجوماً كبيراً عليه عبر برنامج (كلمة أخيرة)، الذي تقدمه المذيعة لميس_الحديدي.
وقال حسام حبيب في تسجيل صوتي لـet بالعربي: (هيبقى في إجراء قانوني أنا عمري ما دافعت عن نفسي أو اتكلمت دا كلام كله مرسل لكن اللي الكلام اللي هرد بيه هيكون بالمستندات، كل حاجة بحضرها).
تابع: (كنت حفاظا عليها وعلى سمعتها وعلى بيتها مكنتش بتكلم لكن دلوقتي هضطر اتكلم لأن الكلام زيادة مش هطلع أقول كلام مرسل هطلع بحقايق ومستندات، مش هفتري على حد، هرد على كل حاجة قالتها بمستندات تثبت أن الكلام دا كله تهديد علشان اسمع الكلام وبتهدد دايما بجمهورها وهي بتحاول تعمل كده وإجراءاتي وردي في الإعلام هيكون بالحقائق علشان كده مش مستعجل بظبط أزاي هرد كل حاجة قانونا وبالمستندات).
اقرأ: شيرين تخرج عن صمتها وتوضح حقيقة حملها
وجاءت مجمل تصريحات شيرين مع الحديدي كما يلي:
– كنت محبوسة في أوضة نومي ٢٤ ساعة وعايشة مع زوج مابيشتغلش.
– حسام اداني هدية في ايدي رصاصة.
– كنت أنا اللي بشتريله الاغاني اللي تعجبه.
– زهق مني عشان تخنت وقالي مش عايز واحدة قد أمي.
– وقع بيني وبين كل اصحابي وبعدهم عني وعنده عقدة من الناس كلها لانه مريض نفسي ولازم يتعالج.
– حسام ضربني وسحلني في الارض وهو اللي حلقلي شعري.
– حسام خسرني امي واصحابي والسواق بتاعي وكرهني في بناتي وكان حاسس ان الناس كلها متأمرة عليه.
– هو السبب في اني أحلق شعري بسبب أنه كان عايز يجبرني على النزول بقميص النوم خلال تواجدنا في أحد الفنادق.
– ادعوا الشعب المصري والعربي انهم لو شافوه في الشارع يتبولوا على وشه، انا عايزة كل الناس تتف عليه.
– كذبت في حاجات عشان انا بنت أصول وبستغفر ربنا.
– أسسنا شركة مساهمة كان هو رئيس مجلس إدارتها وكانت محاولة نقرب تاني من بعض بس مرجعناش.
– مخلفتش منه عشان ربنا يحميني منه.
– عملتله محضر بعدم التعرض لي ولبناتي وهو انسان خطر وادعوا الناس انهم يتبولو علية اما يشوفوا.
– أجوز قرد أو فيل من حديقه الحيوان أفضل من أني أعيش معاه.
– دفعت فلوس الشقة اللي اهل حسام حبيب قاعدين فيها وحسام مخدش مني فلوس في ايده فكنت بدي حقه لامه.
– انا متأذتش من حد في حياتي زي ما شفت من حسام حبيب وكان شخص أسود من جواه.
– جبت عربية وكتبته بأسمه راح باعت ناس تسرقها من أودام بيتي، وكان عايز يعملي محضر اني سرقت العربية.
– كنت شبه البدر بقت شبه حسن ابو السعود بعد ما عرفته.
– عندي فيلم وأغاني جديدة وهكسر الدنيا الفترة اللي جاية وفي اغنية بعد 10 أيام.
– لازم أروح أتعالج من أثاره السلبية عليا.
– سارة الطباخ ربنا ياخدها وهي من اسباب المشاكل.
– سرقني وبكرهه وهو شخص أسود.
– انا من القلعه ولو فكر يأذيني هروح اولع في بيته.
– عشت أسوء أيام حياتي مع حسام حبيب ورسالتي لكل الناس انهم يختاروا صح.
