وجه الفنان المصري حسام حبيب، رسالة اعتذار لزميله الفنان تامر عاشور، بعدما أخطأ بحقه الفترة الماضية، واعتبره من أشباه الفنانين.
وكتب حسام حبيب، عبر صفحته قائلًا: «على فكرة يا جماعة أنا بهزر، هو فنان محترم وليه جمهور كبير وبيقدم فن راقي وأنا بعتذر له لو كان الهزار تقل، أنا بس كنت بنكشه لأنه تقلها عليا شويتين».
اقرأ: شيرين تؤكد ما نشرته الجرس! – وثيقة
وأضاف: «هو زميل ومحترم وبيقدم فن محترم، أنا بحب اللي هو بيقدمه وهو اجتهد ولكل مجتهد نصيب، معلش حقك على يا نجم».
بدأت أزمة حبيب وتامر، حينما علق الأخير على أزمة شيرين مع طليقها حسام الذي اتهم أهلها بسرقتها وخداعها، ودافع حينها عاشور عن أسرة شيرين وقال:
«كل اللي أقدر أقوله في موضوع شيرين عبدالوهاب، أن مفيش كلمة واحدة بس من اللي اتقالت وانتشرت صح، أنا قريب من أهل شيرين ووالدتها وأخوها، أنا برضه أقولها إني بحبها وكل الدنيا بتحبها وتحب فنها، أهل شيرين مظهروش في حياتها آخر سنتين تلاتة أهل شيرين هم أهل شيرين من زمان كل نجاحات شيرين كانت وسط أهلها وناسها اللي يشيلوها من على الأرض شيل».
اقرأ: شقيق شيرين: أنتِ وحسام أقذر قصة عرفتها البشرية!
وتابع عاشور: «يا رب يبعد عنها كل خبيث وأناني وفاشل وممثل، هي أطيب منهم كلهم وهم اللي وقعوها فكل مشاكلها، أنت بمن حولك، لو اللي حواليك فشله غصب عنك لازم تبقى زيهم وتعافر علشان تقدر تمارس اللي كنت بتعمله في عدم وجودهم بمنتهى السهولة».
اضاف:
«أنا كلت عيش وملح في بيتها وفي بيت أمها وأخوها وكان لازم أقول الكلام ده علشان الكلام ده هو الكلام الحقيقي ولا كلمة من اللي اتقالت واتسمعت ليها أساس من الصحة، أهل شيرين هم هم أهل شيرين من زمان أوي، بالعقل».
حرص حسام، على الرد على حديث عاشور، إذ قال في تصريحات سابقة:
«سمعنا ناس غريبة بتدخل في أمور مش أمورها خالص، ومنهم ناس أشباه فنانين، مفيش فنان بيدي حق لنفسه يدخل في حياة غيره، لأن الفنانين بيبقى عندهم إحساس، وتصريحات شيرين خلت شكلهم مش ظريف خالص».