حلت الممثلة المصرية دينا_الشربيني، ضيفةً على برنامج AB Talks، وأدلت بتصريحات جديدة، وأسرار تتعلق بحياتها الخاصة.
ردت الممثلة المصرية على الاتهامات التي وجهت لها بأنها خطفت رجلا من زوجته، وذلك في إشارة إلى الفنان عمرو_دياب وزوجته السابقة زينة عاشور، بأنه طُلب منها الرد على هذه الشائعة، ولكنها كانت ترفض الرد لأنها ستتدخل في حياة أشخاص آخرين.
تابعت: (أنا مخدتش حد من حد، ومن سنتين في كلام كان بيتقال عني، إني أخدت حد من حد وكدا، وده مكنش حقيقي خالص خالص، وفي الوقت ده كل صحابي كانوا بيقولولي قولي إن الموضوع التاني ده كان خلصان من سنين طويلة، وإن مفيش حاجة وهما مش مع بعض، ورغم كدا قررت إني متكلمش).
اضافت: (مرضتش أطلع أتكلم، عشان مش حياتي لوحدي، ومش هقدر أطلع أتكلم عن حياة 3 أشخاص، واحنا كنا مع بعض، وبالمناسبة أنا وهى صحاب جدا، ولحد دلوقتي، وناس كتير كرهوني بسبب الحوار ده اللي هو مش حقيقي).
استكملت: (بان بعد فترة، إن أنا والبني آدمة اللي كانوا قايلين إني أخدت منها جوزها، إن احنا صحاب، ومكنش حقيقي اللي بيتقال، ولا وجود له من الصحة).
وأوضحت: (في حياتي عموما بسيب اللي يتكلم يتكلم، ومش بحب أركز في الحاجات دي واني أرد عليها، وأسيب شغلي).
اقرأ: شيرين هل ترتدي الحجاب؟ – صورة
أكدت أنها بحالة جيدة في الوقت الحالي، خلاف ما كانت عليه قبل شهرين تقريبًا، وتحديدًا بعد انتهاء الأعمال الدرامية الرمضانية، معلقة: “العمل في الفن أخذ كل وقتي، واللي بيروح ما بيرجعش وأغلى سلعة في حياتنا هي الوقت”.
وأضافت أنها ما زالت ترى نفسها طفلة صغيرة، وشقية، و”عبيطة” كما وصفت نفسها، كما أنها لا تستطيع أن ترى نفسها على ما هي عليه في الوقت الحالي، بل إن صورة طفولتها ما زالت في مخيّلتها، تلك الطفلة السمراء ذات الشعر المنكوش حسب تعبيرها.
كما علقت: “هتبقى مصيبة سودا لو بقى عندي 50 عامًا، وما زالت الصورة الذهنية لشخصيتي وأنا في مرحلة الطفولة”، مؤكدة: “مش فارق معايا السن بقدر ما أكون مبسوطة”.
تابعت: “أنا حبيبة، وأؤمن بالحب من أو نظرة، ولكن شعور الحب سلاح ذو حدين، ففي أوقات كثيرة أقول إنني لن أحب مرة أخرى،،، شعرت بالحب الحقيقي مرتين، وأكرر أخطائي في الحب، ولكن دائمًا ما أنظر للجانب الإيجابي، وهو اللحظات الجيدة التي عشتها في قصة الحب”.
