تعرضت ملكة جمال سوريا السابقة سارة نخلة لأزمة صحية، مساء البارحة نقلت على إثرها إلى المستشفى.
نشرت سارة صورتها من المستشفى، وقالت: (دي كانت ليلتي في المستشفى بعد ما روحت البيت بعدين حسيت بوجع رهيب روحت المستشفى وعملت نقدر نقول نصف عمليه عشان التخدير كان موضعي عشان مش عارفة استحمل الألم).
تابعت: (غير إن أنا كان عندي برد أصلا وبقالي أربع ايام مش باكل كويس ومش بنام كويس وكل شوية بدوخ بس السبب اللي دخلني المستشفى بالليل وبكل بساطة هو نملة، صدقوني نملة … تخيلوا لما تبقوا طول الوقت بتحاولوا تبقوا أقوى وكويسين وتيجوا على نفسكوا وفي الآخر نملة تدخلكو العمليات).
أضافت: (ببساطة نملة قرصتني عملت التهاب بعدين خراج وكل دا أنا فاكرة انها ناموسة عادية عشان أنا جسمي حساس جدا بس وصلت لدرجة بالليل إني مش عارفة اقعد دقيقة من الوجع والسخونية والدوخة ودخلت الطوارئ على طول والدكتور فتح الخراج طبعا كنت بموت من الوجع بس الحمدلله عدت على خير).
اختتمت نخلة حديثها قائلة: ا(لحمدلله على كل حال وأنا في بيتي دلوقتي بس يارب ابقى احسن والجرح يلم بسرعة عشان اقدر أوقف تاني).
