احتفلت الفنانة السورية سلاف فواخرجي بعيد ميلادها الـ42، برفقة عدد من أصدقائها المقربين الذين جهزوا مفاجأة خاصة للاحتفال بتلك المناسبة.
نشرت فواخرجي فيديو من الحفل، وعلقت قائلة: (شكرا لكل الغوالي اللي شرفوني على الحفلة المفاجئة، والسريعة خلال كم ساعة وبآخر لحظة لحتى يفرحوني، بعد ماغاب الفرح مني، شكرا من قلبي على محبتكم وعلى الورد والهدايا الحلوين، لأنها منكم، جيتكم زادت من قيمة هاليوم عندي، شكرا لكل اللي فاجأوني بورودهم، وهداياهم من برات سوريا وكانوا حاضرين بمحبتهم الكبيرة، وبعتذر من الغوالي على قلبي والقراب كتير كتير اللي مالحقت أعزمهم لأني أنا كمان كنت شبه متفاجئة ويادوب لحقت ظبطت حالي قبل الحفلة بشوي، حقكم على راسي، بس متل ما بينقال وبيقول ابني علي فتت بالحيط).
تابعت: (بعتذر كمان من متابعين الصفحة لأني كترت عليهم صور عيد الميلاد، وأكيد الاحتفال مو سبع أيام بلياليها، بس حق الناس اللي احتفلت معي وكتبتلي معايدة أو نزلت صورة أو قالت كلمة محبة غالية، إني عالأقل شاركهم محبتهم متل عادتي كل سنة من أول ماعملت حساب الإنستجرام، وإن شاء الله ماكون نسيت وقصرت، فسامحوني هاليومين، التلاتة، وبحبكم من قلبي، (ولسا الصور الرسمية ماوصلتني)، وشكرا لـ چويل أشقر اللي اهتمت بشكلي بهاد اليوم بآخر لحظة).
https://www.instagram.com/p/B0gWuQInu2b/?utm_source=ig_embed