شنت شقيقة وليد محمد عاشور، طليق المطربة المصرية بوسي، والشهير بـ(فطين)، هجوماً عنيفاً على تركي آل الشيخ رئيس هيئة الترفية في السعودية، واتهمته بالتورط في الضغط على فطين للتنازل عن القضايا التي ربحها ضد طليقته، بالتعاون مع حمدي بدر، مدير أعمال بوسي ومحمد حماقي.
اقرأ: المحكمة ترفض معارضة بوسي
نشرت شقيقة طليق بوسي، مقطع فيديو قالت فيه:
(أنا طالعة دلوقت بتكلم معاكم في إزاي عايزة انقذ أخويا من ظلم الفنانة بوسي، طبعا هي معروفة جدًا وكلوا عارف أخويا طلعها سابع سماء وهي نزلته سابع أرض، وأنا بستغيث بالرئيس عبد الفتاح السيسي).
تابعت: (أخويا بيضيع ياريس هتموته بجد، بتوع تنفيذ الأحكام جم أخدوه من بيته في الهرم، وليد محمد عاشور وسلموه لرئيس قسم الهرم محمد الصغير، ومتوصي عليه كويس جدًا ومش لاقينه كل مانروح قسم الهرم أو الطالبية مش لاقينه، وبعدين اتأكدنا إنه موجود هناك من واحد كان محبوس هناك).
اضافت: (وأما تركي آل الشيخ أنت مالك ومال أخويا أنت بتاع كورة، وحمدي بدر مدير أعمال محمد حماقي إزاي يكون مدير أعمال حماقي ده فنان جميل، بيضغطوا على أخويا وبينزلوه أوضه تحت السلم عشان خاطر يتنازل عن الشيكات اللي هو رافعها على بوسي، بسبب خلافات حصلت مابينهم هو اللي شهرها ووداها للسبكي وصارف عليها كل فلوسه، لفقتله قضية لما عرف أنها إنسانة خاينة، ومتستاهلش ولازم أي راجل ياخد موقف من واحدة خاينة).
اختتمت كلامها: (هي طبعا مخلصهاش أنه ياخد موقف منها فراحت ولفقت له قضية واتفقت مع ناس كبير ومسؤلين في البلد، طب أنا أخويا عنده قضية يروح ويشوف هيتعمل معاه إيه انما ميحصلش كدة، ومنهم تركي آل الشيخ وحمدي بدر حتى رئيس قسم الهرم محمد الصغير بيقول إنه مش موجود عندهم، وجينا نشوف كاميرات العمارة ونفرغها لقيناها اتشالت عاملين مؤامرة على أخويا).
https://www.facebook.com/KitchenZona/videos/246375529995076/?vh=e
