أجرت الفنانة المصرية شيرين عبد الوهاب مداخلة هاتفية مع المذيع عمرو_أديب عبر برنامجه (الحكاية)، الذي يعرض عبر قناة (MBC).
تحدثت شيرين عن تفاصيل طلاقها من حسام_حبيب، وكررت نفس التصريحات التي أدلت بها من قبل في حوارها مع الزميلة رئيسة التحرير نضال_الأحمدية.
إقرأ: فضيحة جديدة لوالد حسام حبيب بعد التسجيل الصوتي – فيديو صورة
ومن بين ما قالته شيرين لعمرو أديب نذكر:
– حلقت شعري عشان حسام يشوفني وحشة.
– حلقت شعري عقاباً لنفسي.
– دي مش أول مرة أحلق شعري، حلقته قبل كده وقت ما اتهموني بالسخرية من مصر وكنت مدبوحة والأستاذ هاني_شاكر نقيبنا دافع عن ميريام_فارس ومدافعش عني.
– انا مش مريضة نفسية أنا بتعالج عشان جالي وسواس قهري بعد ما خلفت بناتي.
– عندي افرازات مخ زايدة، مخي بيكبر المشاكل البسيطة ويشوفها قد الهرم والمشكلة اللي قد الهرم بشوفها بسيطة اوي.
– في الحفلة كنت بتريق على نفسي قبل ما حد يتريق عليا.
– انا قبل ما ابتدي علاقتي مع حسام كنت عارفة اننا لا نصلح لبعض، كان لازم يكون فيه شوية عقل.
– ماينفعش الفرق بيني وبين جوزي يبقى سنة، لازم يبقى مش أقل من ٦ سنين، بس حسام راجل وسيد الرجالة.
– على فكرة أنا لسة بحبه، أنا كده!
– مافيش حد باقي لي إلا جمهوري.
– مش هعتمد على حد تاني ومش هيهرش ضهري إلا صوابع ايدي.
– مش هرجع لحسام إلا بمعجزة من ربنا.
– نصيحتي أن الراجل يفضل راجل حتى لو بيكسب عشرة جنية، والست تفضل ست حتى لو بتكسب ٢ مليون جنية.
– لو الراجل حس أن الست بتاعته أعلى منه خصوصاً في الماديات بيحس أنه ضعيف.
– قبل الطلاق بأربع خمس أيام كنا في القلعة وبفرجه عليها كأنها منطقة آثارية.
– لما أخدته القلعة كان منبهر جداً.
– أنا شخصية صعبة جداً لكن أنا ست مصرية لو عاملتني إني نجمة تبقى أنت كده بتخسرني.
– ربنا يقويني وأعمل عمل ترفيهي في رمضان.
– أنا أكتر حد كوميدي ممكن تقابله في حياتك لو عملت حاجة كوميدي هقعد محمد سعد في البيت،
– كل الناس بتبارك لي على الطلاق كأني راجعة من الحجاز مثلاً.
– أمي أول حد عرفت قرار الطلاق وكانت موافقاني جداً.
– بنتي قالت للمدرسة انها مش مبسوطة ومش حابة الحياة قولتلها الدنيا تستاهل ان احنا نجرب عشانها.
– قولت لبنتي أنا بتربى معاكم وبنكبر مع بعض.
– أول مرة راح اتقدم لي قالت له هو أحنا هنعيل؟ كانت شايفة أن احنا ماينفعش نبقى غير صحاب.
– بقول لحسام أنت راجل معدنك نضيف وكويس ومتربي ياريت تشتغل على نفسك والراجل لازم يفضل راجل، هو كان ظالم نفسه وبينزل البوم كل ٨ سنين.
