نشر علي رمضان ابن النجمة السورية سلاف_فواخرجي والمخرج والممثل وائل رمضان، صورة قديمة جمعته مع امه النجمة منذ سنوات وأثناء التجربة الأولى له في عالم التمثيل.
وكتب رسالة مؤثرة لأمه شكرها فيها على تضحياتها إيمانها به وبموهبته.
اقرأ: سلاف فواخرجي لا تنام
وقال: (مر وقت، والله حاسه كأنه امبارح، وقت اجيتي عغرفتي وقلتيلي، علي.. بدك تمثل؟ وقتها أنا جنيت وطرت من الفرحة، لأنو انتي كنتي بتعرفي اديش بحب التمثيل وقديش جاي ع بالي وحابب كتير حابب ووقت بلشنا كنت خايف من الكاميرا كتير بس اتذكر انك كمان كنتي تقولي انك بتخافي من الكاميرا لحد هلأ فإهدا شوي، بس مابعرف وقتها ليش بكيت، فرحة وخوف وكتير شغلات)
وتابع: (تحملتيني وخفت بزيادة بصراحة انك كنتي عم تتحمليني لاني ابنك، بس ارتحت لما قالولي انك كنتي هيك مع الكل، وشو شفت حالي فيكي واجيتي لعندي مشان تضحكيني، ووقعنا ع ورق الشجر انتي وعم تلعبيني، أو عملتي حالك عم توقعي متلي، وقعدنا عالأرض بين العشب وصرتي تقليلي كيف هي القصة ما بدها بكي بالعكس فيها فرح وإذا بكيت كمان معلش لأنها كمان أحاسيس حلوة، وكيف أنا قدها، وقديش انتي واثقة فيني، وإنها لعبة بس لعبة لازم نصدقها ونحترمها)
اقرأ: وائل رمضان عن مسلسل زوجته سلاف فواخرجي: عمل للكب!
وأضاف علي: (وغنيتيلي “كان في قطقوطة مقطقطة” تبع نيللي، فقمت بقوة مع تشجيعك ووقفت ادام الكاميرا، بس طلعت قصير زيادة (وقتها طبعا) ولقيتيلي حل متل ما دائما بتعملي.. وقلتيلهم يحطولي خشبة تحت رجليي، وعملت المشهد بسلام، صحيح عدته كذا مرة لاني اطلعت عالكاميرا مرتين تلاتة (بس معلش كنت لسا جديد الكل زقفلي وكنتي فخورة فيني وكنتي مو بس مخرجة كنتي أم، وقالولي انك كنتي أم للكل مو بس الي، وصرت أنا فخور فيكي، وحبيتك أكتر)
وختم كلامه: (حلوة هالأوقات معك ماما بكل لحظة حلوة وصعبة، حلوة لأنك رفيقة قبل ماتكوني أم، وكل اللي بحلم فيه اني كون الك رفيق حقيقي، وسند متل مابتقليلي، ورجال تفتخري بعلمه وعمله وتعامله وأخلاقه)
اقرأ: سلاف فواخرجي تقدّم مشهدًا خطيرًا – فيديو
كلام هلي أثر كثيرًا بوالدته التي ردّت عليه بالتالي: (بعد هالكلام كله وهي المشاعر العظيمة بعجز عن الرد قدامك بس بقلك انك اكبر من اللي كنت بحلم فيه الله يخليلي ياكي)
