حلت الفنانة المصرية هنا الزاهد ضيفة على برنامج (معكم منى الشاذلي)، الذي تقدمه الإعلامية منى الشاذلي، في حلقة الخميس 5 ديسمبر، في أول ظهور لها بعد مرور شهرين على زفافها على الفنان أحمد فهمي، ثم تعرضها لوعكة صحية قوية خلال شهر العسل.
روت هنا خلال الحلقة، تفاصيل مشادة حدثت بينها وبين أحمد خلال تصوير إحدى حلقات مسلسلهما (الواد سيد الشحات)، وقالت: (كانت الباروكة اللي لبساها مش مظبوطة وكنت خايفة تبان في التصوير، فناديت بصوت عال على الماكير عشان يظبطها).
تابعت: (وفجأة زعقلي وقالي متعليش صوتك في الاستوديو، وقالي إيه اللي بتعمليه ده ومتعليش صوتك قلتله إنت مالك واتخانقنا جوا الاستوديو قدام الناس، وقال الاستوديو هنا ليه احترامه وأنا أقوله أنا محترمة).
