وجه الفنان المصري أحمد فلوكس رسالة لزوجته المغربية رابيا، بعد عودته لها بعد سنوات طويلة من الانفصال.
اقرأ: أحمد فلوكس يعود لزوجته الأولى – صورة
قال فلوكس في رسالته:
(كلما رايت نفسي و حياتي بعد رجوعي ليكي ادركت اني كنت بلا حياه وانا بعيد عنك … ان كنت رجعتي الي موطنك فانا رجعت لنفسي بيكي … ربنا يخليكي ليا و يحفظك انت سيف … بحبك و بحب حياتي وانت فيها).
وبكلمات رومانسية ردت زوجته قائلة: (انت الكينونه والانتماء انت الحاله اللي ما اديتش فرصه اني أعيشها مع حد انت اللي استوليت علي قلبي بكل تفاصيل بدايتنا مع بعض وقصة حبنا واللي كملت حتى بعد الانفصال وادت أحلى مثال لاتنين انفصلوا لأي سبب من الأسباب … وأكيد الكل كان بيسأل يا تري ازاي استحملت وهو بيتجوز قدامها … ؟ ويلبس من بيتها يوم كتب كتابه وتتعامل برحابة صدر مع القصه كلها ماهو ده الحب لما تجردي كل فكره لوحدها ده حبيبي بس مش قادره اكون معاه لأي سبب وعايزه مبسوط ، بس ده ابو ابني اللي بتمناله الخير ده صديقي اللي في اسرار كثير بينا ، ده اللي ضهرنا مکشوف لبعض ، ده الانسان البعيد عن اي علاقه من دول الجدع اللي اي حد ممكن يلجأله في اي حاله ومايردوووش ابدا وده بشهادة الجميع … ده اللي اتمنيتله الخير في كل لحظه في حياته وهو بعيد وهو قريب … ده اللي أكرمني ( كل الكرم ) في بلده وانا مش على ذمته … ده اللي لما رجعتله عرفت اني ماقدرش اعيش غير معاه ومع ابني لأن سيف كان مديني تكملة القصة في بعده ، اللي هي بالكيان ده اللي بنيته في اول جوازنا یا بلاش … كل ست في حياتها مابتتمناش تعيش تجارب كثير اللا الحالات الشاذه . الست بتأمن بشخص حبته وبتديه من قلبها وتعمل کیان واسره من الحلم ده … انت الحياه والقصه اللي عشتها وصدقتها وانتميت اليها انت الانتماء والحاله الخاصه جدا کرجل يحب بصدق ويحتوي ويحترم المحترم یا أصيل ربنا يحفظك لينا ويبعد عننا كل شر ويعوضنا ببعض عن كل الاختبارات في البعد .. بحبك).
