في ظل الهجوم الكبير الذي تعرض له الفنان المصري محمد_رمضان، بعد اعلانه تحفظ الدولة المصرية على أمواله، دافع عنه الفنان أحمد_فلوكس.
اقرأ: أحمد فلوكس يعود لزوجته الأولى – صورة
أدلى فلوكس برأيه في تلك القضية قائلاً:
(الكل عارف رأيي و موقفي من محمد رمضان ولن يتغير أبدا، ولكن دلوقتي علشان هو في مشاكل كله اتحول وكله راكب وكله عايش اللقطة مع أني متأكد إن أول ما يطلع من الكرب ده كله هايتحول تاني ويسقف تاني ويقولوا نمبر وان ووهايجروا وراه وكل حاجة والحقد والغل محرك عند بعض، الشماته عند بعض آخر، الأنا والنفس البشرية والعظمة والجبروت محرك عند بعض آخر، أصحاب مواقف معاه سواء على حق أم لا أيضا عند بعض آخر).
وتابع قائلا: (أعدائه سواء مهنيا أو حياتيا أيضا متحركين ضده، اللي نفسه يبقي زيه و اللي ماستفدش منه واللي استفاد وعايز أكتر واللي مش طايقه واللي مش قابل اللي هو فيه وكله مع طبعا، وجود بعض الشخصيات دخلين في تحدي بتاع مين الأقوى وأيضا يحركهم كل شهوات الشيطان من غل وشماتة، كله متحول و كله متلون، المشكلة الأكبر أن كل ده عكس الدين و الأصول و الرجولة والأخلاق).
إقرأ: هنا شيحا تعلن انفصالها عن فلوكس
وواصل: “بنحاسبه أن بوظ زوق وإحنا أساسا بعد كل اللي انا شايفه ده اللي لازم نتحاسب اولاً و نعرف أن احنا بقينا “زبالة” و نفوق و نتقي الله، بنقول عليه واجهه مش مشرفة و كل اللي حاصل من شماتة وغل و حقد و منافقة و تحول و مصلحتي فين و كل اللي قولتوا هو يعني اللي واجهه مشرفه يعني، الغلطة مش غلطة رمضان، ده انعكاس طبيعي اساساً لينا احنا، علشان كده واجهتنا بردوا كده والمشكلة الأكبر أن بنحاسبوا اساسا بعيوبنا احنا، و بقول احنا لأن أكيد انا كمان فيا من الكلام ده بس علي الاقل لما بلاقي انسان مش في قوته لازم التزم الصمت لان الأنسان لما يكون في موقف ضعف لايمكن ابداً أن اكون الشخص اللي اكسره او اهاجمه”.
وأكمل فلوكس حديثه قائلاً: “دي مبادئ الاديان السماوية مبادئ العرب و مبادئ الرجولة و مبادئ الاسلام، اللي بكل صراحة بقولها أنها كلها مابقتش فينا و لا عندنا و المضحك ان بنحاسبه كمان أن هو ماعندوش او السبب في عدم وجودها، بجد موضوع محمد رمضان و تامر مرسي او مرتضي منصور و كثيرون و ناس تانية كتير من أول اساسا محمد حسني مبارك حتي موضوع رمضان أثبت لي أن محدش عنده مبدأ ولا حد بقي رحيم و لا حد بقي عارف دينه ولا عنده مبدأ حني ثابت عليه”.
واختتم قائلاً: “احنا بقينا بجد مسلمين بلا اسلام و متدينين بلا دين وبنحاكم الناس و احنا اساساً اللي صناعناهم و اكيد صناعتنا بتعكس صورة نفسنا احنا و بنشمت و بندمر و بناذى و أحنا اول ناس لأزم نتحاكم، ايه ده، لازم بجد تتفرجو علي كلنا من برة أحنا بقينا بجد شي “قذر” و في الأخر كمان بنحاكم الناس بعيوبنا اللي اساساً الناس انعكاس ليها مش اكتر، رحمتك بعبادك يا رب”.
