ردت الفنانة المصرية أيتن_عامر، على الهجوم الكبير الذي يتعرض له الفنانون بسبب استكمالهم لأعمالهم الفنية في ظل الحرب الفلسطينية الحالية.
نشرت آيتن عامر فيديو لها عبر صفحتها قالت فيه: (أنا بقالي شهر ونص من أول ما الكارثة دي حصلت وانا مبعلنش غير عن الكوارث اللي بتحصل هناك والأكونت بتاعي كان هيتقفل بسبب الحاجات اللي بنشرها طول الوقت فزي ما احنا مؤمنين بالقضية وبندعمها بكل ما اوتينا من قوة بيصعب عليا اوي لما بلاقي حد من زملائي بيعلن عن شغله والناس بتهاجمه وتقوله أنت مش حاسس بالناس ومعندكش دم).
وتابعت: (كلنا متأثرين بس ردود الأفعال غريبة شوية دة شغلنا ودي طبيعة شغلنا والاعلان عن شغلنا من ضمن العقد فليه بتهاجمونا أننا بنعلن عن شغلنا أو أننا اصلا بنمارس شغلنا دة مش سبب منطقي ابدا احنا ممكن نهاجم حد متكلمش عن القضية اصلا ولو اني شايفة أن دي حرية شخصية بردة ومش معنى أننا بنعلن عن شغلنا أننا بنشغل الرأي العام عن القضية لأن نفس الاكونت اللي بيعلن عن شغله هو نفس الاكونت اللي بينشر الكوارث اللي بتحصل في فلسطين).
وأضافت: (لية واخدين موقف اوي كدة من الفنانين وبيصعب عليا اوي فارجوكم استوعبوا ان الإعلان عن شغلنا دة جزء من شغلنا احنا ملزمين بيه وجزء من عقدنا واحنا اكيد مش عايزين شغلنا يتأثر لأن محدش بينفع حد ولا حد بيحس بحد فكفاية هجوم لأن زي ما انتو بتعملوا شغلكم احنا كمان بنعمل شغلنا ومحدش يزايد على حد محدش عارف احنا بنمر باية واللي عايز يعمل الغاء متابعة يعمل دة رأيك الشخصي).
