للمرة الأولى روت النجمة المصرية إسعاد يونس، تفاصيل زواج زوجها من الفنانة شريهان، وكيف تعاملت مع الغيرة وقتها وكيف وطدت بعدها علاقتها بشريهان.
قالت إسعاد خلال حلولها ضيفًة على برنامج AB talks مع أنس بوخش: “بعد الزواج عليّ كنت في صدمة شديدة، وبدأت الغيرة بيننا، ولكن بعد فترة اختفت، لأن بعدها فكرت هل أنا مثالية لهذه الدرجة أو جميلة، وقولت لا، وأيضًا وضعت أولادي أساس، وسألت نفسي من الأهم، أنا أم أبنائي”.
اقرأ: منع هيفاء وهبي من الغناء والتمثيل في مصر!
تابعت: “كما أنني وضعت أمام عيني كل المواقف التي ساعدني زوجي بها، وجدت أن الموضوع أكبر بكثير من وجود زوجة ثانية، والتي وضعتني في مكانة خاصة جدًا، وتحبني”.
اضافت: “تقبلت زواجه مقابل أن يكون معي كل هذا الكنز، وفي نفس الوقت، هي كانت متضايقة لأن كان عليها هجوم قوي، ومكنتش محتاجة حاجة من حد، لكن جمعهما الحب، ولما إلتقينا وكانت أي واحدة تحتاج حاجة كنا نُساعد بعض، وحبيت قدرتها على التحمل وإنسانيتها، وهي قوية وثابتة في مصائب وتعب كتير”.
وكشفت إسعاد يونس عن رأيها في الذكاء الاصطناعي، وقالت: “في وقتي الحالي بقى قدامي تحديات كتير أكتر من الأول بسبب التكنولوجيا، وبقيت أقف كل فترة أقول مش هقدر أشتغل في بيئة كلها ذكاء اصطناعي، والمسألة بقت مزعجة، لأنك لازم تكون منتبه لشغلك أكتر، والذكاء الاصطناعي موضوع شاغلني جدا، لأن معرفش بكرة ممكن يتعمل فيا أو عني إية”.
وتابعت: “من فترة جالي عرض للقيام ببطولة فيلم يجمعني بـ عبدالحليم وعدد من النجوم بالذكاء الاصطناعي ورفضت لأن الحاجات دي لها حقوق، ولازم إذن علشان تتعمل، وأنا مقدرش أقعد بدون شغل، ومبسوطة بوجودي وسط الناس، وعندي رغبة في البقاء وسط الناس، ومكنتش بعاني من مشكلة الوقت”.
