منذ 7 سنوات 
علّقت الفنانة إيمي سالم على خبر انفصالها عن زوجها النجم غسان المولى.
قالت إيمي (حسب ما ذُكر على صفحات موقع البوابة نيوز): “أولاً: أحب أشكر الـ 412 Missed call اللي جولي في خلال ساعتين و الـ 1293 message، ثانياً: كنت بفضل خبر انفصالي عن أبو أولادي ما يخدش الحجم الأوفر ده، لا إحنا أول ناس ولا آخر ناس تنفصل، ومهما كان إحنا عشرة عشر سنوات نتج عنها ثلاثة صبيان، اللي لسه مايعرفوش خبر الانفصال في حين أن الوطن العربي كله عرف وده حاجة مخلياني في غاية الاستياء”.
تابعت: “ثالثا: أرجو عدم التحدث في هذا الموضوع لأن في مقولة بتقول إن البيوت أسرار.. بس واضح إن المقولة دي عمرها الافتراضي خلص، رابعا: مش من حق أي حد يعرف التفاصيل.. لأنها المفروض حاجة شخصية (المفروض)، خامسا: يا ريت الكلام يبقى على قد اللي أنا بكتبه وما يخدش حجم أكبر من حجمه لمصلحة الغير.. وما ننساش إن في أولاد في يوم من الأيام هيقروا أي حاجة هتتكتب عن أبوهم وأمهم.. فيا ريت نراعي ربنا في ده”.
ختمت حديثها قائلة: “سادسا: سيظل غسان عشرة عمري وحبي الأول و أبو أحلى ٣ ولاد فيا ريت لا حد يألف ولا يبتكر سيناريو لسبب الطلاق.. لأنه في الأول و في الآخر نصيب.. ومحدش عارف ربنا كاتب إيه، سابعا: السوشيال ميديا نقمتها أكبر من نعمتها.. ويا ريت الناس تستخدمها في الإطار الصحيح لما صنعت له وليس لضرر الغير، ثامنا: ربنا يهديني ويهديه عشان خاطر الولاد قبل خاطرنا، {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}”.
)
