منذ 6 سنوات اعلنت خبيرة التجميل المصرية أسما شريف منير، انفصالها نهائياً عن خطيبها الممثل المصري محمود حجازي، من خلال جملة كتبتها عبر صفحتها على الإنترنت.
كتبت اسماء: (طيب الموضوع اتقال فيه كلام كتير و انا بعترف إني سبب اللخبطة دي، الرجالة مبتعملش الحاجات اللي احنا كستات بنعملها، اللي هو أزعل انزل post القح بيه عليه قال يعني مش ليه و كل الرجالة بتكره الحركة دي و انا بس دلوقتي بعترف إنهم عندهم حق، غير بقي اني بنسي موضوع الأخبار ده فا التلقيح او كلام الزعل بالنسبالي بينتشر و كل حد بيقول رأيه بكل قسوة، الموضوع فعلا في الاخر اتنين حبوا بعض وارتبطوا قدام الناس كلها ومشينا في مشوار خطوبتنا زي اَي اتنين، كبرنا مع بعض و بِينَا حاجات كتير حلوة و برضه زي اَي اتنين حصل بينهم مشاكل و طبعا إنتوا عرفين التسرع الله يخرب بيته فا لما كان في عدم اتفاق من فتره نزلت post و مسحته علطول عشان كان وقت عصبيه و كان لسه في أمل بس من ساعتها و في توتر).
تابعت: (الناس قالت كلام كتير وحش وكملنا واكتشفنا انه في عدم اتفاق مش عشان ان حد وحش ولا موقف ولا حاجة لحد ما أخدنا القرار بس مكناش اتفقنا على إعلان ده امتي فا انا نزلت و أعلنت ده بس في توقيت غلط مني بكل صراحة انا لازم أكون امينه في ده، عموما هو محصلش نصيب بس احنا بنحترم بعض حجازي إنسان محترم جداً و بتمناله السعادة و النجاح احنا بِينَا عشره طيبة و نجاحات و حب و أكيد خير لينا. هو ده الموضوع بكل بساطة، ممكن بقي منتكلمش فيه تاني لو سمحتوا، انا اتعلمت درس كبير ان الخصوصيات مش للنشر و الحسد برضه مذكور في القران لسبب، الحمد لله بس كده و شكرا).
يأتي ذلك بعد أن انفصلت أسماء عن زوجها الأول الذي انجبت منه طفلتها الوحيدة (لارا) التي ينشر لها شريف منير الكثير من الصور عبر صفحاته الرسمية على مواقع التواصل الاجتماعي.
فريق التحرير
)
