ابنة شريف منير هل انفصلت

عن خطيبها؟

شائعات كثيرة انتشرت بقوة خلال الفترة الماضية عن انفصال خبيرة التجميل أسماء شريف منير، ابنة الممثل المصري شريف منير، عن خطيبها الفنان المصري محمود حجازي التي احتفلت بخطوبتها عليه منذ فترة ليست بعيدة.

نفت أسماء شريف منير أخبار انفصالها بطريقة غير مباشرة من خلال كتابتها لتعليق عبر حسابها على موقع الـ Facebook، أكّدت خلاله أنها تكتب كل ما تشعر به عبر صفحتها دون التفكير ملياً وهذا ما يجعل الجميع يفهمون حديثها بطريقة خاطئة.

رسالة ابنة شريف منير جاء فيها: (انا طول عمري بحس اَي حاجة بقولها من غير ما أفكر او اعمل حساب لحاجة و للي عارف عن برج الحمل انه مندفع و متسرع ، و ده أصلاً من احد عيوبي إني متسرعة و مش صَبورة، و بنسي موضوع Public figure ده خالص مش متعودة ، آه بحُكم شغل ابويا كان ممكن حد يعرفني ولا حاجة بس دلوقتي الموضوع بقي مختلف بقيت الناس عرفاني انا و ده جديد عليا).

تابعت: (انا مش بعرف أخبى حاجة كل اللي علي قلبي علي لساني فا دايماً اَي حاجة بكتب عنها مع كمان ان الناس اللي بتابعني بتزيد فا لازم اخد بالي، أصل انا برضه بتعامل عادي كأني بقول لصحابي بس في ناس إحساسها بيا مش كده، انا اصل برضة مش بحب اشوف الجانب الوحش، اَي حاجة بتسرع و بمشي ورا إحساسي و اكتبها من باب إني بفرغ طاقة زعل او فرح يقوم هوپ نازل خبر ، ساعات ممكن انزل حاجة و امسحها عشان مكنش مثلاً توقيتها صح مبلحقش أغير رأيي و ارجع في كلامي بتكون خلاص انتشرت، انا لسه بتعلم إني ابطل ابقي متسرعة و مندفعه و لازم يكون في خصوصيات في حياتي شويه عشان برضه إنتوا مش بترحموا، اللي بيقع مبتسموش عليه).

ختمت كلامها قائلة: (انا قلت اقولكم اللي في قلبي ههههه هتعلم هتعلم عموماً اهم حاجة بقي إنتوا وحشتوني يلا انا كنت بس في لخبطة و رجعالكم نلعب مع بعض واقدملكم حاجات تفيدكم و تفيدني.. بحبكم و أكيد فهمتوا انا قصدي ايه (كله تمام).

يأتي ذلك بعد أن انفصلت أسماء عن زوجها الأول الذي انجبت منه طفلتها الوحيدة (لارا) التي ينشر لها شريف منير الكثير من الصور عبر صفحاته الرسمية على مواقع التواصل الاجتماعي.

كريم عصام – القاهرة