منذ 7 سنوات ردّت خبيرة التجميل أسماء شريف منير، ابنة الممثل المصري شريف على السخرية التي تتعرض لها بشكل دائم بسبب كبر حجم أنفها.
نشرت أسماء شريف منير صورة “سلفي” لوجهها بالكامل عبر حسابها على موقع الـ Instagram، وعلّقت قائلة: “انا مناخيري كبيرة آه و ربنا شايف كده و خالقني كده و قالي كمان انه خلقني في أحسن تقويم، أتولد و كبرت و اهلي برضة شايفني كده قوم أيه الواحد يطلع في الدنيا مصدق انه تمام يجي بقي الواقع يضربه علي مناخيره و فجًّاة تصدق الناس و تتكسف من عيوبك و تفقد الثقة في نفسك”.
تابعت: “كتير بسبب ان مناخيري كبيرة كنت بفقد الثقة بنفسي و كنت باقول لاهلي أني عايزه أعمل فيها عمليه بس ديماً كنت بخاف اعملها، و بعدين لما اتعلمت الميكاب و بذات الكنتور عرفت أصغرها بالميكب و ده زودلي الثقة شوية و بعدين اتعلمت أصغرها في الادتنج انشكحت اكتر، عشان الناس عنيفة في رايها فا ساعات بيهزني و بتروضني فكرة العمليه”.
ختمت أسماء شريف منير كلامها قائلة: “لحد ما قررت أني أتصالح مع فكرة ان منخايري كبيرة ..لقتها ليقة علي وشي، ربنا شفها حلوة كده و اداني حاجات تانية حلوه في وشي… و فجاه حصلي حالة تفكير و افتكرت إني مش كاملة و إن عيوبي جزء مني و المفروض اني اتعلَّم احبها عشان مش الاسهل اني اغيرها، تخيلت لو جالي لوحة من پيكاسو مثلاً هديه حتا لو معقده و فيها جزء مش عجبني مش هجيب فرشه و ألوان و اعدل عليها ، محدش هيعمل كده طب أيه بقي.. انا لسة بتعلم أحب نفسي بس بشكل صحي مش مريض و قلت لازم ابتدي في علاجها باني أتكلم عنها بكل صدق وفي تصالح بس كده”.
حفاظاً على حقوق الملكية الفكرية نطلب عدم نسخ ما يزيد عن 20 في المائة من مضمون الخبر مع ذكر إسم الموقع مجلة الجرس Al Jaras وإرفاق المنسوخ برابط الخبر تحت طائلة الملاحقة القانونية.
ياسمين أحمد – القاهرة
)
