أعربت ماهي ابنة النجم ماجد_المصري، عن سعادتها بمرور عام كامل على اتخاذها قرار الحجاب، وأعلنت عن اعتزازها بالحجاب، وقدمت الشكر لكل من شجعها على اتخاذ هذه الخطوة.
نشرت ماهي صورتها بالحجاب، وعلقت قائلة: (زي النهاردة من سنة كان يوم مهم أوي بالنسبة لي، كنت قاعدة مع بنات قرايبي في البيت، واليوم ده أنا ماكنتش مركزة معاهم خالص، ولا مركزة مع كلامهم، عشان كان في صوت في وداني مش بيروح، كان في صوت في وداني عمال يقولي يلا يلا يلا يلا يلا اتحجبي، وكان كل ما حد يسألني سرحانة في أية أقول أي حاجة تانية، مكنتش عايزة أقول عشان مارجعش في قراري).
تابعت: (روحت البيت بعد 12 ساعة وبقينا يوم 1 مارس، وقررت أني مش هنزل غير بالحجاب وفعلاً نزلت بيه، والحمد لله النهاردة كملت سنة بالحجاب وكانت أحلى سنة، والحمد لله ماندمتش مرة على القرار ده، ولا حد لعب في دماغي مع إن في ناس ساعات تقولي وحشنا شكلك الأول وحاجات كدة، بس أنا مش بزعل عشان عارفة أني الحمد لله في الحالتين شكلي حلو، بس بالحجاب أحلى وأحلى، ومش حاسة إني تسرعت أبداً، ربنا يديمها نعمة يارب وشكراً لكل حد شجعني ومازال بيشجعني).
