نشر الفنان المصري عمر السعيد فيديو صغيرًا من فيلم يجمعه بالراحل هيثم أحمد زكي الذي توفي منذ أيام عن عمر يناهز الـ ٣٦ عامًا.
كتب: (ذكريات.. من فترة كلمني صديق عمري محمد أديب، وهو مؤلف ومخرج، وقال لي: عندي فكرة لفيلم وعايز أصور برومو الأول قبل الفيلم عشان فيه شغل جرافيكس كدا ولازم نتأكد أنه هيطلع كويس ومظبوط).
تابع: (المهم اشتغلنا على الفكرة وكلمنا ممثلين أصحابنا وصورنا البرومو.. بعد كدا حصلت ظروف كتير في البلد وفي حياتنا الشخصية زي الانشغال بأعمال تانية وسفر أديب لدراسة الماجستير في أمريكا.. المهم التجربة دي أنا افتكرتها النهاردة.. افتكرت بروفات البرومو في بيت أديب وأنا وفيشاوي وهيثم وشيري وكريم وغيدا وإحنا متحمسين ومبسوطين أننا بنعمل فكرة جامدة وبره الصندوق لفيلم غير تقليدي).
أضاف: (افتكرت تفاصيل كتير لأيام حلوة، افتكرت واحنا عاملين زي الهواة عشان مشروع كلنا كان نفسنا فيه.. افتكرت إن القدر خلاني أمثل في فيلم فيه هيثم زكي وهو”سكر مر”.. بس هو نفس القدر أو الظروف اللي منعتنا من استكمال مشروع انتهى للأبد من غير واحد من أبطاله دا جزء بسيط من برومو طويل لمشروع انتهى.. الله يرحمك يا هيثم و يغفرلك).
https://www.instagram.com/p/B4sj7MGJ6YV/?igshid=x3c50hw98raf
