قال المذيع تامر أمين تعليقاً على سهره في أماكن بها (راقصات): (صحيح أني أسهر، وفى احدى المرات كنت سهران في مكان كان في رقاصة، وفوجئت بسيدة محترمة بجانبي تقول لي، أنت بتسهر زينا اهو، امال ليه عامل فيها شيخ”، فكان ردي “انا عمرى ما قولت اني شيخ، وبأزعم أني ماعملش حاجة غلط، ورأى فى الرقص مالهوش علاقة بالسهر فى الأماكن العامة .. ومافيش حاجة اسمها رقاصة محترمة).
وأضاف أمين في برنامج “شيخ الحارة”، على قناة القاهرة والناس، تعليقاً عن علاقته بشريف مدكور: (قلت رأيي في شخصيته حينما ظهر في احدى برامج رامز جلال واتعصب عليه بعد المقلب، ووجدت شخصية أخرى غير التى تظهر على الشاشة، ومن هنا قولت رأي، وأنا ماعرفش شريف زعل ليه، وديه حاجة كويسة أنه يغير من نفسه، نيتى كانت المدح، شريف ناجح أنه يرسم شخصية مختلفة عن شخصيته الحقيقية وفوجئت انه زعل).
وتابع أمين: (مش حقيقى أن شكلى مودرن وتفكيري قديم، “فأنا رجعي وأفتخر” ولكن بمفهوم غير مفهومك، أقصد المحافظة والتطور غير المضر، أنا على قديمه مع التحسينات اللى تناسبنا”، وأنا لا أنفى تهمة إنى بصباص، أنا شخص بحب الجمال فى الطبيعة أو فى الستات).
