استغل النجم المصري تامر حسني، شعبيته الكبيرة في مصر والوطن العربي، لأجل توعية جمهوره للوقاية من فيروس كورونا المستجد الذي انتشر بكثافة حول العالم.
وجه حسني رسالة مطولة لجمهوره كتب فيها: (اخدنا أجازات عشان نحافظ على بعض ونُحصر المرض ومينتشرش وسطنا مش فاهم ازاي بعض الناس واخدين الموضوع هزار واجازه وفسح وزحمه رهيبه عادي في الاماكن العامه ومخرجين ولادهم).
تابع: (رجاء كل الناس تأمن نفسها من دلوقتي و يشتروا لوازم المنزل من دلوقتي والمقتدر ياريت يأمن الغير مقتدر الظروف الجايه اصعب).
اضاف ساخراً: (للي مش واخدين بالهم يا جماعه دا وباء عالمي مش وقفة العيد وحرصنا دا هيخلينا نخلص منه ان شاء الله بدري جداً ….والرحمه مطلوبه من كل الناس اللي مشغلين ناس بيوميه انهم يحافظوا الفتره دي على اجورهم وًمراعات ظروفهم ..بلاش خروج ارجوكم الا لو هتشتروا مخزون للبيت و تكونوا واخدين كامل الحذر في الوقايه من الإحتكاك بكل شيء و رجاء متنسوش الغير قادرين ربنا يحفظكم و يحفظنا جميعاً).
الفنان المصري تامر حسني أعلن أنه ألغى جميع حفلاته في مصر، وخارجها، بسبب انتشار فيروس كورونا.