وجه الفنان المصري تامر حسني، انتقادًا لبرنامج (ET بالعربي)، بعدما وجهوا إليه سؤالًا عن شائعة عودته إلى زوجته الفنانة المغربية بسمة بوسيل.
كتب تامر عبر صفحته:
“طبعا هُما بيدوني ورقة اقرأها والسؤال ده المذيعة مسألتوش المفروض بقرأها أنا لوحدي وليا حق الرد أو لأ والمفروض المذيع ميقولهاش بما إنه بيوريهالي على ورقة”.
تابع:
“أنا قريت بس كلمة إشاعات فرديت على طول. ومعرفش السؤال تكملته إيه لإن سنه جديدة مش هعيد على الناس أكيد غير بدعوه حلوة للناس وللبلدان العربيه مش إني أتكلم على إشاعات أعتقد مكنش ينفع إن المذيع يذكر سؤال المفروض إنه سري علشان كده مكتوبة”.
اضاف: “وكمان المُذيعة مسالتوش لإن السؤال احترم حُريتي الشخصيه و اتكتب في ورقه يبقى إزاي بنعرضُه للناس اتمنى من أي مُذيع و محطه كبيره متقعش في الخطأ ده تاني لإننا بنحترمكم وبنقف نتكلم معاكم بكل حب هي ملحوظه بمنتهى الحب مش أكتر لإن الطريقه دي مُمكن تتسبب غصب عنكم في فتن وممكن تتفهم غلط خصوصا إني مكملتش قراءة السؤال لإن أوله كلمة إشاعات”.
استكمل: “ولو في أي تردد كلام عن محاولات رجوعي لبسمه فا هي مش إشاعات وبالفعل في أولاد حلال بيحاولوا يصلحوا الموضوع بينا وكتر ألف خيرهم وربنا يقدم اللي فيه الخير لينا”.