حلت الفنانة المصرية جميلة عوض، ضيفةً على برنامج (صاحبة السعادة)، الذي تقدمه الفنانة إسعاد يونس، وتحدثت لأول مرة عن تفاصيل بداية قصة حبها لزوجها المونتير أحمد حافظ.
واعترفت جميلة عوض بأنها حاولت في البداية الحفاظ على علاقتها بأحمد حافظ في إطار الصداقة قائلة: “وقت كورونا كان معجب بيا بس معندوش وقت يركز معايا، مثلا يكلمني كل أسبوعين ويسألني عن الشغل أو مهرجان أنا فيه، أو يقترح نعمل خروجة، فأقول له شوف فلان وفلان، وفي دماغي إني مش عايزة أديله إرسال غلط”.
اقرأ: والدة جميلة عوض عانت من الاكتئاب والصحافة خانتها!
تابعت: “وقت كورونا ابتدا يكلمني بشكل دائم، وأنا ابتديت أحس بالتعلق، وابتدا يقوللي بحبك وإديني فرصة أكون موجود في حياتك، وعادي لو مش عايزة إديني يومين وهنرجع أصحاب عادي”.
استكملت: “كان بيعدي وقت وأقول أكيد هيفيص مني ويقول مش قادر على موضوع الصداقة، لكن لقيته موجود وموريني اهتمامه، وفي نفس الوقت رزين في نفسه، ولما عدت سنة من غير ما يشتكي فعلا تعلقت به كصديق”.
وعن الصفات التي جذبتها لأحمد قالت: “لقيته بيتعامل بنضج ومن غير ابتزاز وبطريقة صحية، وده حسسني بأمان جدا، وخلاني أبص له بشكل مختلف وتعلق أكتر”.
اضافت: “فكرة إنه ناجح في شغله وشاطر جدا، ومحبوب من كل الناس فهو صديق خطير وجدع، وإداني مواصفات الصديق جدا وعليها شوية حاجات، وأنا تعلقت بالطريقة دي، إنه تقيل وموجود في نفس الوقت”.
